இலங்கையில் டிஜிட்டல் அடையாள அட்டை

டிஜிட்டல் அடையாள அட்டை அறிமுகப்படுத்துவதற்கு இந்திய அரசின் மானிய உதவி மற்றும் இலங்கை அரசின் நிதி ஒதுக்கீடுகள் பெறப்படுகிறது. அந்த அடையாள அட்டையைத் தயாரிக்கும் செயன்முறையில் முதலீடு செய் முதலீட்டாளர்களுக்கு இந்திய அரசாங்கத்தின் உதவியுடன், இந்த டிஜிட்டல் அடையாள அட்டை வழங்கும் முறை இந்திய நிறுவனங்கள் மூலமாகவே செயற்படுத்தப்படும். குடிமக்கள் தரவின் இரகசியத்தன்மை பாதுகாக்கப்படுமென டிஜிட்டல் பொருளாதார பிரதி அமைச்சர் எரங்க வீரரத்ன தெரிவித்தார்.

டிஜிட்டல் அடையாள அட்டையைத் தயாரிக்கும் செயன்முறை தொடர்பான அனைத்து ஒப்பந்தங்களையும் சபையில் சமர்ப்பிக்க முடியாது.இருதரப்பு இராஜதந்திர ஒப்பந்தங்களின்படி, இந்த ஒப்பந்தங்களின் உள்ளடக்கங்களை ஒருதலைப்பட்சமாக வெளியிட முடியாது எனவும் குறிப்பிட்டார்.

பாராளுமன்றத்தில் வியாழக்கிழமை (27.11.2025) நடைபெற்ற அமர்வின் போது வாய்மூல விடைக்கான வினாக்கள் வேளையில் ஐக்கிய மக்கள் சக்தியின் குருநாகல் மாவட்ட பாராளுமன்ற உறுப்பினர் தயாசிறி ஜயசேகர முன்வைத்த கேள்விகளுக்கு பதிலளிக்கையில் மேற்கண்டவாறு குறிப்பிட்டார்.

அங்கு அவர் மேலும் உரையாற்றியதாவது,

இலங்கை குடிமக்களுக்கு ஒரு டிஜிட்டல் அடையாள அட்டை அறிமுகப்படுத்தப்படும். இந்த டிஜிட்டல் அடையாள அமைப்பின் அறிமுகம் இலங்கையின் டிஜிட்டல் உருமாற்றப் பயணத்தில் ஒரு முக்கியமான படியாகும்.

நம்பகமான அடையாளம், ஒரு தனிநபரின் பிறப்பு முதல் இறப்பு வரை 100 சதவீத நம்பகமான அடையாளக் காப்பீட்டை உறுதிசெய்து,ஒரு தனிநபரின் வாழ்நாள் முழுவதும் சேவைகளுக்கான தொடர்ச்சியான அணுகலை வழங்குகிறது.

வினைத்திறனான பொது சேவை குடிமக்கள் அரசு சேவைகள் மற்றும் தனியார் துறை சேவைகளை (வங்கி, சுகாதாரம், கல்வி போன்றவை) மிக விரைவாகவும்,எளிதாகவும், ஆன்லைன் முறைகள் மூலமாகவும் அணுக உதவுகிறது, தனிப்பட்ட அடையாளங்களை பாதுகாக்க முடியும்.

சரிபார்க்க முடியும் என்பதால், நலன்புரி சலுகைகள் விநியோகம் போன்ற நடவடிக்கைகளில் மோசடி செயல்கள் மற்றும் முறைகேடுகள் கிட்டத்தட்ட முற்றிலுமாக நிறுத்தப்பட முடியும். அனைத்து குடிமக்களும் டிஜிட்டல் பொருளாதாரம் மற்றும் நிதி அமைப்புகளுடன் (நிதி உள்ளடக்கம்) எளிதாக இணைக்க உதவுகிறது.

தேசிய பாதுகாப்பு தேசிய பாதுகாப்பு மற்றும் சட்ட அமுலாக்க செயல்முறைகளுக்கு துல்லியமான மற்றும் நம்பகமான தரவு அமைப்பாக செயல்படுதல், பல்வேறு சேவைகளுக்கு ஆவணங்கள் மற்றும் தகவல்களை மீண்டும் மீண்டும் சமர்ப்பிக்க வேண்டிய அவசியத்தை நீக்கி, ஒற்றை சரிபார்க்கப்பட்ட அடையாளத்தின் அடிப்படையில் செயல்படும் திறன் ஆகியன இத்திட்டத்தின் நன்மைகளாக காணப்படுகிறது.

குடிமக்களுக்கு தனித்துவமான டிஜிட்டல் அடையாள அட்டையை வழங்குவது என்பது ஆட்களைப் பதிவுசெய்யும் திணைக்களத்தால் நிர்வகிக்கப்படும் பல கட்ட செயல்முறையாகும். இந்த டிஜிட்டல் அடையாளத்தை தயாரிப்பதற்கான முறை சர்வதேச தரநிலைகளுக்கு (ICAO மற்றும் ISO) இணங்க மிக உயர்ந்த பாதுகாப்புடன் வடிவமைக்கப்பட்டுள்ளது.

குடிமக்களின் மக்கள்தொகைத் தகவல் (பெயர், முகவரி, பிறந்த தேதி) மற்றும் பயோமெட்ரிக தகவல்கள் (கைரேகைகள், கருவிழி ஸ்கேன் மற்றும் முக புகைப்படம்) ஆட்களைப் பதிவுசெய்யும் திணைக்களம் மற்றும் அங்கீகரிக்கப்பட்ட மையங்களில் இத்திட்டத்துக்கான செயன்முறைகள் முன்னெடுக்கப்படுகிறது.

டிஜிட்டல் அடையாள அட்டை அறிமுகப்படுத்துவதற்கு இந்திய அரசின் மானிய உதவி மற்றும் இலங்கை அரசின் நிதி ஒதுக்கீடுகள் பெறப்படுகிறது.அந்த அடையாள அட்டையைத் தயாரிக்கும் செயன்முறையில் முதலீடு செய் முதலீட்டாளர்களுக்கு இந்திய அரசாங்கத்தின் உதவியுடன்,இந்த டிஜிட்டல் அடையாள அட்டை வழங்கும் முறை இந்திய நிறுவனங்கள் மூலமாகவே செயல்படுத்தப்பட வேண்டும்,மேலும் முதலீடு செய்பவர்களுக்கு வேறு எந்த சிறப்பு சலுகைகளும் கிடைக்காது.அந்த முதலீட்டாளர்களால் தனிப்பட்டவர்களின் தரவுகளைப் பெற முடியாது என்பது உறுதியளிக்க முடியும்.

இந்தத் திட்டத்திற்கு அரசாங்கம் அளித்துள்ள மிக உயர்ந்த முன்னுரிமை இதுவாகும். குடிமக்களின் தரவுகளின் முழுமையான பாதுகாப்பு மற்றும் தனியுரிமையைப் பாதுகாப்பதற்கு அரசாங்கம் முழு உத்தரவாதம் அளிக்கிறது.சட்டப் பாதுகாப்பு இந்தத் திட்டத்தால் சேகரிக்கப்படும் அனைத்துத் தரவுகளும், இலங்கை நாடாளுமன்றத்தால் நிறைவேற்றப்பட்ட 2022 ஆம் ஆண்டு 9ஆம் எண் தனிநபர் தரவு பாதுகாப்புச் சட்டத்திற்கு முழுமையாக உட்பட்டவை.

பயோமெட்ரிக் மற்றும் மக்கள்தொகை தரவுகளின் முழு உரிமை, கட்டுப்பாடு மற்றும் பாதுகாவலர்த்துவம் இலங்கை அரசாங்கத்திடம் உள்ளது.தரவுத்தளத்தை அணுக மறுத்தல் எந்தவொரு வெளிநாட்டு அரசாங்கம், முதலீட்டாளர், தொழில்நுட்ப வழங்குநர் அல்லது திட்டத்தில் ஈடுபட்டுள்ள பிற மூன்றாம் தரப்பினருக்கும் வேறு எந்த நோக்கத்திற்காகவும் இலங்கை குடிமக்களின் இந்த தனிப்பட்ட தரவுத்தளத்தை அணுக, பெற அல்லது பயன்படுத்த எந்த சட்ட அல்லது தொழில்நுட்ப நோக்கமும் இல்லை.

தொழில்நுட்ப பாதுகாப்பு தனிப்பட்ட மற்றும் பயோமெட்ரிக் தகவல்கள் உட்பட அனைத்துத் தரவுகளும், சர்வதேச அளவில் ஏற்றுக்கொள்ளப்பட்ட மிக உயர்ந்த குறியாக்க தரநிலைகள் மற்றும் (CES 256 மற்றும் RSA-2048 ஆகியவற்றால் பாதுகாக்கப்படுகின்றன, பயோமெட்ரிக் சாதனங்களில் வன்பொருள்-நிலை குறியாக்கம் மற்றும் FIPS 140-2 தரநிலைகளுக்கு இணங்கும் எச்எஸ்எம் -அடிப்படையிலான முக்கிய மேலாண்மை (குறியாக்கம்) மூலம், தரவு ஓய்லிலும் பரிமாற்றத்திலும் குறியாக்கம் செய்யப்படுகிறது.

மேலும், இந்தத் தரவு சைபர் பாதுகாப்பு விதிகளின் கீழ் உள்ளூரில் நிறுவப்பட்ட தரவு மையங்களில் மட்டுமே பாதுகாப்பாகச் சேமிக்கப்படுகிறது.எனவே, குடிமக்கள் தரவின் ரகசியத்தன்மை மற்றும் பாதுகாப்பு குறித்து எந்த சந்தேகமும் இருக்கக்கூடாது என்று நான் உறுதியளிக்கிறேன்.

பிறப்பிலிருந்து ஒவ்வொரு நபருக்கும் ஒரு தனித்துவமான, மீட்டெடுக்க முடியாத ‘இலங்கை தனித்துவமான டிஜிட்டல் அடையாள எண்’ ( SN -UTI எண்) உருவாக்கப்படுகிறது.

டிஜிட்டல் சரிபார்ப்பின் ஊடாக இந்த எண் மற்றும் பயோமெட்ரிக் தரவைப் பயன்படுத்தி எந்த நேரத்திலும் தனிநபரின் அடையாளத்தை டிஜிட்டல் முறையில் சரிபார்க்கும் திறனை இந்த அமைப்பு வழங்குகிறது. பதினைந்து (15) வயது அல்லது அதற்கு மேற்பட்ட குடிமக்கள் அடையாளப் பதிவுக்காகப் பதிவு செய்யப்படுகிறார்கள்,மேலும் பதிவு விண்ணப்பப் படிவத்தைச் சமர்ப்பித்தவுடன் பயோமெட்ரிக் தகவல்கள் சேகரிக்கப்படுகின்றன.

மேலும், நகல் சரிபார்ப்புக்காக, தானியங்கி மற்றும் கைமுறை சரிபார்ப்பு செயல்முறைகள் தானியங்கி பயோமெட்ரிக் அடையாள அமைப்பு (APIS) மூலம் பச்சை,அம்பர் மற்றும் சிவப்பு சரிபார்ப்பு முறைகளின்படி மேற்கொள்ளப்படுகின்றன. செயலகங்களில் நிறுவப்பட்ட நபர்கள் மற்றும் அலகுகளைப் பதிவு செய்வதற்கான துறையின் முழு செயல்முறையும் பிரதேச தலைமை அலுவலகத்தில் செயல்படுத்தப்படும்.இதை ஒரு அட்டையை அச்சிடுவதற்கான செலவாகக் கணக்கிட முடியாது.

இது ஒரு தேசிய உள்கட்டமைப்புத் திட்டம். ‘ஒரு அலகிற்கான செலவு’ என்பதை,மென்பொருள் மேம்பாடு, மையப்படுத்தப்பட்ட தரவு சேமிப்பு அமைப்புகள் (தரவு மையங்கள்) நிறுவுதல், பயோமெட்ரிக் தரவு சேகரிப்பு உபகரணங்கள்,முழு அமைப்பின் சைபர் பாதுகாப்பு மற்றும் வரவிருக்கும் பல ஆண்டுகளுக்கான பராமரிப்பு ஆகியவற்றின் கூட்டுத்தொகையாகக் கருத வேண்டும். பதிவு செய்யும் மொத்த குடிமக்களின் எண்ணிக்கையால் வகுக்கவும்.

எனவே, இதை ‘ஒரு அடையாள அட்டைக்கான’ செலவாகக் கருதாமல் தேசிய அளவிலான டிஜிட்டல் உள்கட்டமைப்பை உருவாக்குவதில் ‘ஒட்டுமொத்த முதலீட்டின்’ ஒரு பகுதியாகக் கருதுவது மிகவும் துல்லியமானது.

அதன்படி, மொத்த திட்டச் செலவு தோராயமாக 14 பில்லியன் இலங்கை ரூபாய்கள் மற்றும் ஆரம்பத்தில் தகுதியுள்ள முழு மக்களுக்கும் க்கும் டிஜிட்டல் அடையாளம் வழங்கப்பட வேண்டும்,அதாவது 17.5 மில்லியன். அதன்படி, ஒரு டிஜிட்டல் அடையாள அட்டையின் விலை தோராயமாக 800 இலங்கை ரூபாவாகும்.

மேலும், தற்போது தேசிய அடையாள அட்டை இல்லாத ஒருவர் முதல் முறையாகப் பதிவு செய்யும்போது, பாலிகார்பனேட் அட்டை மற்றும் டிஜிட்டல் அடையாளத்தை வழங்குவதற்கான தொடர்ச்சியான செலவுகளும் சேர்க்கப்பட வேண்டும்.

ஆட்களைப் பதிவு செய்யும் திணைக்களத்தில் பதிவுசெய்யப்பட்டுள்ள அனைத்து இலங்கைப் பிரசைகளுக்கும் அந்த அடையாள அட்டையைத் தயாரிப்பதற்குச் செலவாகும் மொத்த தொகை இலங்கை ரூபாய் 14 பில்லியன் ஆகும். இதில், இலங்கை ரூபாய் 10 பில்லியனிற்கும் அதிகமான தொகை இந்திய அரசிடமிருந்து உதவியாகப் பெறப்படுகிறது.

டிஜிட்டல் அடையாள அட்டையைத் தயாரிக்கும் செயன்முறை தொடர்பான அனைத்து ஒப்பந்தங்களையும் சபையில் சமர்ப்பிக்க முடியாது.இருதரப்பு இராஜதந்திர ஒப்பந்தங்களின்படி, இந்த ஒப்பந்தங்களின் உள்ளடக்கங்களை ஒருதலைப்பட்சமாக வெளியிட முடியாது என்றார்.