உச்ச நீதிமன்றம் அறிவுறுத்தல்கள் வழங்கியும் போலீசார் இப்படி நடந்து கொள்வது டாக்டர்கள் மற்றும் சிறுமிகளை துன்புறுத்துவதற்காக மட்டுமே என கடிந்து கொண்டுள்ளது.
சட்டப்படி, 18 வயதுக்கு மேற்பட்ட பெண்கள் கருக்கலைப்பு செய்யக் கோரி டாக்டர்களை அணுகினால், அவர்களின் தனிப்பட்ட விபரங்களை போலீசாருக்கு தெரிவிக்க வேண்டும்.
திட்டவட்டம் அதேநேரம், ’18 வயதுக்குட்பட்ட சிறுமியர் கருக்கலைப்புக்காக டாக்டர்களை அணுகினால், பெயர் உள்ளிட்ட அவர்களது தனிப்பட்ட அடையாளத்தை போலீசாரிடம் வெளிப்படுத்த வேண்டிய அவசியம் இல்லை’ என, உச்ச நீதிமன்றம் உத்தரவில் திட்டவட்டமாக தெரிவித்துள்ளது.
இந்நிலையில், கருக்கலைப்புக்காக தன் பெற்றோருடன் வந்திருந்த சிறுமி பற்றிய தகவல்களை வழங்கும்படி, மும்பை போலீசார் தொல்லை கொடுப்பதாக மகப்பேறு டாக்டர் ஒருவர் மும்பை உயர் நீதிமன்றத்தில் மனு தாக்கல் செய்தார்.
நன்கு பரிச்சயமான சிறுவனுடன் ஏற்பட்ட பழக்கத்தால் இருவரும் அத்துமீறி பழகியுள்ளனர். இதில் சிறுமி எதிர்பாராத விதமாக கர்ப்பமானதால் குடும்பத்தினர் கவலையடைந்தனர்.
சிறுமியின் உடல்நலம் மற்றும் எதிர்காலம் கருதி, 13 வார கருவை கலைக்கக் கோரி, பெற்றோர் என்னை அணுகினர். மேலும் பெயர் உள்ளிட்ட தனிப்பட்ட விபரங்களை வெளியிட வேண்டாம் எனவும்கேட்டுக் கொண்டனர்.
ஆனால், சிறுமியின் தனிப்பட்ட விபரங்களை அளிக்கும்படி போலீசார் எனக்கு அழுத்தம் கொடுக்கின்றனர். – இவ்வாறு அதில் கூறப்பட்டிருந்தது.
உத்தரவு இந்த மனு, நீதிபதிகள் ரேவதி மோஹிதே மற்றும் நீலா கோக்லே அமர்வு முன் நேற்று விசாரணைக்கு வந்தது. அப்போது நீதிபதிகள் பிறப்பித்த உத்தரவு:
உச்ச நீதிமன்ற உத்தரவுக்கு பிறகும், டாக்டர்களுக்கு போலீசார் தொல்லை கொடுப்பது ஆச்சரியமாக இருக்கிறது. டாக்டர்களை மட்டுமின்றி, பாதிக்கப்பட்ட சிறுமியையும் துன்புறுத்தவே போலீசார் இப்படி செய்கின்றனர்.
உச்ச நீதிமன்றத்தின் உத்தரவு நகலை மஹாராஷ்டிராவில் உள்ள அனைத்து போலீஸ் ஸ்டேஷன்களுக்கும் அனுப்பி வைக்க வேண்டும்.
அத்துடன் போலீசார் மீது உரிய நடவடிக்கை எடுக்க வழக்கின் நகலை மாநில டி.ஜி.பி.,க்கு அனுப்பி வைக்கவும். – இவ்வாறு உத்தரவில் குறிப்பிடப்பட்டுள்ளது.
