தமிழகத்தில் இன்றும், நாளையும் இடி மின்னலுடன் மிதமான மழை பெய்ய வாய்ப்பு உள்ளதாக, வானிலை ஆய்வு மையம் தெரிவித்துள்ளது.

நேற்று காலை வரையிலான, 24 மணி நேரத்தில், அதிகபட்சமாக மயிலாடுதுறை மாவட்டம் கொள்ளிடத்தில், 6 செ.மீ., மழை பெய்துள்ளது.

அடுத்தபடியாக, கடலுார் மாவட்டம் சேத்தியாத்தோப்பு, சிதம்பரத்தில் தலா, 5; புவனகிரி, அண்ணாமலை நகர் பகுதிகளில் தலா, 4 செ.மீ., மழை பதிவாகியுள்ளது.

தமிழகத்தில் சில இடங்களிலும், புதுச்சேரி மற்றும் காரைக்காலிலும், இன்றும், நாளையும் இடி, மின்னல் மற்றும் பலத்த காற்றுடன், மிதமான மழை பெய்ய வாய்ப்புள்ளது. வரும், 28 வரை மிதமான மழை தொடரலாம்.