வெனிசுலாவுக்கு பயணம் செய்வதைத் தவிர்க்கவும்: இந்திய மத்திய அரசு அறிவுறுத்துகிறது

வெனிசுலாவிற்கு அத்தியாவசியமற்ற பயணங்களை தவிர்க்க வேண்டும் என இந்தியர்களுக்கு மத்திய வெளியுறவுத்துறை அமைச்சகம் அறிவுறுத்தி உள்ளது.

ஒட்டுமொத்த நாடும் இப்போது அமெரிக்காவின் கட்டுப்பாட்டில் சிக்கியுள்ளது.

மதுரோவை சிறை பிடித்த படத்தை சமூக வலைதளத்தில் அதிபர் டிரம்ப் வெளியிட்டு பரபரப்பை கிளப்பி இருந்தார். வெனிசுலா அதிபர் மதுரோ மற்றும் அவரது மனைவியை சிறை பிடித்து ஏற்றிச் சென்ற விமானம் நியூயார்க்கில் தரையிறங்கியது. இந்நிலையில் வெனிசுலாவில் உள்ள இந்தியர்கள் எச்சரிக்கையாக இருக்க வேண்டும் என மத்திய வெளியுறவுத்துறை அமைச்சகம் அறிவுறுத்தல் வழங்கி உள்ளது.

இது குறித்து வெளியிட்டுள்ள அறிக்கையில் கூறியிருப்பதாவது:

வெனிசுலாவிற்கு அத்தியாவசியமற்ற பயணங்களை தவிர்க்க வேண்டும். வெனிசுலாவில் உள்ள இந்தியர்கள் எச்சரிக்கையாக இருக்க வேண்டும். அங்கு தேவையில்லாமல் வெளியில் செல்லாதீர்கள். cons.caracas@mea.gov.in என்ற மின்னஞ்சல் மூலம் தொடர்புக்கொள்ளலாம்.

அவசர தொலைபேசி எண் +58-412-9584288-ஐ தொடர்புகொள்ளலாம். கராகஸில் உள்ள இந்தியத் தூதரகத்துடன் தொடர்பில் இருக்க வேண்டும். தூதரக அதிகாரிகள் அங்கு வசிக்கும் இந்தியர்களுக்கு அனைத்து உதவிகளையும் செய்வார்கள். இவ்வாறு வெளியுறவுத்துறை அமைச்சகம் தெரிவித்துள்ளது.