இலங்கையில் பள்ளி மாணவர்களுக்கு போதை மாத்திரைகளை விற்ற தொழிலதிபர் கைது செய்யப்பட்டார்!

நீண்டகாலமாக போதை மாத்திரைகளை பாடசாலை மாணவர்களுக்கு விற்பனை செய்து வந்த வர்த்தகர் ஒருவர் பொலிஸாரால் கைது செய்யப்பட்டுள்ளார்.

ஹட்டன் நகரைச் சேர்ந்த ஒரு மருந்தக உரிமையாளர், ஹட்டன் பிரதேச ஊழல் தடுப்புப் பிரிவு அதிகாரிகளால் இன்று செவ்வாய்க்கிழமை (24-03-2026) கைது செய்யப்பட்டுள்ளார்.

இதன்போது விற்பனைக்கான போதை மாத்திரைகள் வர்த்தக நிலையத்தில் வைக்கப்பட்டிருக்கும் இடம் கண்டறியப்பட்டது.

அதன் பின்னர், வர்த்தக நிலைய உரிமையாளரிடம் நடத்திய விசாரணையின் பின்னர் சந்தேக நபர் கைது செய்யப்பட்டுள்ளார்.

கைதான நபரிடமிருந்து விற்பனைக்கு வைத்திருந்த 1400 போதை மாத்திரைகள் கைப்பற்றப்பட்டுள்ளன.

அதனையடுத்து, சந்தேக நபரை ஹட்டன் நீதிமன்றத்தில் முற்படுத்த பொலிஸார் நடவடிக்கை எடுத்து வருகின்றனர்.