Category:

முதன்மை செய்திகள்

Technology

சாம்சங் அறிமுகப்படுத்திய புதிய முப்படிநிலை மடிக்கக்கூடிய ஸ்மார்ட்போன் (Galaxy Z TriFold)

by Amizhthu
written by Amizhthu

சாம்சங் எலக்ட்ரானிக்ஸ் தனது முதல் Galaxy Z TriFold முப்படிநிலை மடிக்கக்கூடிய ஸ்மார்ட்போனை அதிகாரப்பூர்வமாக வெளியிட்டுள்ளது. இரண்டு மடிப்பு மூட்டுகளைக் கொண்ட இந்த சாதனம், 10 அங்குல OLED திரையாக விரிவடைகிறது. மொபைல் வடிவமைப்பில் புதிய பரிணாமத்தை உருவாக்கும் முயற்சியாக இது கருதப்படுகிறது.

முக்கிய அம்சங்கள்

  • மூன்று திரை வடிவமைப்பு: இரு மூட்டுகளுடன் 10 அங்குல OLED திரை.
  • மெல்லிய வடிவம்: திறந்த நிலையில் 3.9 மில்லிமீட்டர், மூடப்பட்ட நிலையில் 12.9 மில்லிமீட்டர்.
  • செயல்திறன்: Snapdragon 8 Elite சிப், 16GB RAM, 512GB சேமிப்பு.
  • மின்கலம்: 5,600 mAh மூன்று பிரிவு பேட்டரி, 45W வேக சார்ஜ்.
  • கேமரா: 200MP பிரதான சென்சார், 12MP அகலக் கோணம், 10MP டெலிபோட்டோ.

சந்தை வெளியீடு

Galaxy Z TriFold முதலில் தென் கொரியாவில் டிசம்பர் 12, 2025 அன்று அறிமுகமாகிறது. விலை சுமார் 3,594,000 வோன் (அமெரிக்க $2,449). பின்னர் சீனா, தைவான், சிங்கப்பூர், UAE ஆகிய நாடுகளில் வெளியீடு நடைபெறும். அமெரிக்காவில் 2026 முதல் காலாண்டில் அறிமுகமாகும்.

தொழில் சூழல்

மடிக்கக்கூடிய போன் சந்தையில் போட்டி அதிகரித்து வரும் நிலையில், சாம்சங் தனது TriFold மூலம் முன்னிலை வகிக்க முயல்கிறது. ஹுவாய் ஏற்கனவே Mate XT முப்படிநிலை போனை வெளியிட்டிருந்தாலும், அது மேற்கத்திய சந்தைகளில் கிடைக்கவில்லை. நிபுணர்கள், சாம்சங் இந்த சாதனத்தை பெருமளவு விற்பனைக்கு அல்ல, ஆனால் நீடித்த தன்மை, மூட்டு வடிவமைப்பு, நுகர்வோர் எதிர்வினை ஆகியவற்றை சோதிக்க வெளியிட்டதாகக் கருதுகின்றனர்.

பொதுமக்கள் எதிர்வினை

சமூக ஊடகங்களில் கலவையான கருத்துகள் வெளிப்பட்டுள்ளன. சிலர் மூன்று பயன்பாடுகளை ஒரே நேரத்தில் இயக்கும் திறனை பாராட்டியுள்ளனர். ஆனால், 309 கிராம் எடை மற்றும் $2,400-க்கு மேற்பட்ட விலை குறித்து விமர்சனங்கள் எழுந்துள்ளன.

சாம்சங் கருத்து

சாம்சங் Device eXperience பிரிவு தலைமை நிர்வாக அதிகாரி டி.எம். ரோ கூறியதாவது:
“Galaxy Z TriFold என்பது மொபைல் தொழில்துறையின் நீண்டகால சவாலுக்கு விடை. எடுத்துச் செல்லும் வசதி, உயர்தர செயல்திறன், உற்பத்தித் திறன் ஆகியவற்றை ஒரே சாதனத்தில் இணைக்கிறது.”

முடிவு

Galaxy Z TriFold சாம்சங் நிறுவனத்தின் மிகத் துணிச்சலான முயற்சியாகும். விலை மற்றும் எடை காரணமாக பொதுமக்கள் மத்தியில் பரவலான வரவேற்பு பெறாமல் இருக்கலாம். ஆனால், மடிக்கக்கூடிய போன் சந்தையில் சாம்சங் தனது முன்னணியை உறுதிப்படுத்தும் முயற்சியாக இது பார்க்கப்படுகிறது.

0 comments
0 FacebookTwitterPinterestEmail
தமிழகம்

பிரபல அரசியல் மேடை பேச்சாளர் நாஞ்சில் சம்பத், நடிகர் விஜய் முன்னிலையில் தவெகவில் இணைந்தார்.

by Amizhthu
written by Amizhthu

எந்த தேர்தலையும் சந்திக்காத கட்சி நடிகர் விஜய்யின் தவெக. வரும் தேர்தலில் அந்தக் கட்சி தனித்துப் போட்டியிடுவது உறுதியாகி உள்ளது.

சமீபத்தில் அந்த கட்சியில் அதிமுக முன்னாள் அமைச்சர் செங்கோட்டையன் இணைந்தார்.அதன் தொடர்ச்சியாக இன்று, பேச்சாளர் நாஞ்சில் சம்பத் விஜய் முன்னிலையில் கட்சியில் இணைந்துள்ளார்.

இதற்கு முன்னர், திமுக, மதிமுக, அதிமுகவில் நாஞ்சில் சம்பத் இருந்தார். அதன் பின்னர் எந்த கட்சியிலும் சேராமல் அரசியல் தொடர்பான பொது விவாத மேடைகளில் பேசி வந்தார்.

திமுக மற்றும் கூட்டணி கட்சிகளின் பொதுக்கூட்டங்களில் சில ஆண்டுகளாக பேசுவதை வழக்கமாகக் கொண்டிருந்தார்.

சில திரைப்படங்களிலும் நடித்தார். இளம் நடிகர் ஒருவர் படத்தில் அரசியல்வாதியாக அவர் நடித்து, ‘துப்புனா துடைச்சுக்குவேன்’ என்று பேசிய வசனம் பிரபலமானது.

அண்மைக்காலமாக தவெகவுக்கு ஆதரவான கருத்துகளை பொது வெளியில் அவர் பேசி வந்த நிலையில் தற்போது தவெகவில் இணைந்துள்ளார்.

அவரது பேட்டி;

விஜய்யை சந்தித்து பொன்னாடை அணிவித்து தவெகவில் இன்று என்னை நான் இணைத்துக் கொணடேன். 6 ஆண்டு காலம் எந்த அரசியல் கட்சியிலும் என்னை இணைத்துக் கொள்ளாமல் திராவிட இயக்கத்தின் சொற்பொழிவாளர் என்று சொல்லி, ஈவெரா, அண்ணாதுரை லட்சியங்களை பேசி வந்த நான், இன்றைக்கு தவெகவில் இணைத்துக் கொண்டு, நாடு முழுக்க தவெகவின் ஒரு பிரசாரகனாக பவனி வர விஜய் என்னை அனுமதித்து இருக்கிறார்.

என்னை பார்த்த நிமிடத்தில் நான் உங்களின் ரசிகன் என்று சொல்ல, நான் மெய் சிலிர்த்து போனேன். இப்படி ஒரு அங்கீகாரத்தை அவர் தருவார் என்று நான் எதிர்பார்க்கவில்லை.சுப்ரீம்கோர்ட் கரூர் துயர சம்பவத்திற்கு சிபிஐ விசாரணைக்கு உத்தரவிட்ட போது இணைய தளம் ஒன்றில் பேட்டியளித்த போது, இது தவெகவுக்கு கிடைத்த வெற்றி என்றேன்.

கையறு நிலையில், கைவிடப்பட்டு, கை பிசைந்து கண்ணீரோடும், கவலையோடும் இருக்கிற தவெக இனி அடுத்த அடியை எப்படி எடுத்து வைப்பது என்று யோசித்துக் கொண்டிருக்கிற நிலையில் உச்சநீதிமன்றம் தவெகவுக்கு ஒரு புதிய வாசலை திறந்து வைத்து இருக்கிறது என்று பேட்டியளித்தேன்.

அந்த நிமிடத்தில் இருந்து அறிவாலயத்தில் இருந்து காது கொடுத்து கேட்க முடியாத அளவுக்கு வசை சொற்களால் என்னை வசைமாரி பொழிந்தார்கள். தொடர்ந்து 5 நாட்கள் தஞ்சை மாவட்டத்தில் சுற்றுப் பயணத்திற்கு ஒத்துக் கொண்டு இருந்தேன். அந்த நிகழ்ச்சியை ரத்து செய்தார்கள்.

டிச 7, 8 அறிவுத்திருவிழா என்ற பெயரில் காலத்தின் நிறம் கருப்பு சிவப்பு என்ற நூல் வெளியீட்டு விழாவும், 44 சொற்பொழிவாளர்களும் கலந்து கொண்ட விழாவும் வள்ளுவர் கோட்டத்தில் நடந்தது. ஒரு சொற்பொழிவாளரை தேர்ந்தெடுக்க வேண்டும் என்றாலும் முதல் இடத்தில் இருப்பவன் இந்த எளியவன் நாஞ்சில் சம்பத்.

என்னை திட்டமிட்டு நிராகரித்தார்கள்.உதயநிதியின் பிறந்த நாளை கொண்டாடுவதற்கு என்னிடம் தேதி வாங்கினார்கள். அந்த நிகழ்வில் கடந்த 28ம் தேதி கொரட்டூரில் விழா ஒன்றில் நான் பேசினேன். அதில் கலந்துகொண்ட இயக்குநர் கரு. பழனியப்பன் என்னை நக்கல் செய்தார், நையாண்டி செய்தார்.

நான் மனதளவில் உடைந்து போனேன், ஏன் என்னை இப்படி வசை பாடுகிறார்கள். நான் அவர்களிடத்தில் ஒன்றும் கேட்கவில்லை. கேட்டாலும் சைக்கிள் கூட தரமாட்டார்கள். எந்த பரிந்துரைக்கும் நான் அவர்களிடத்தில் போய் நிற்பதில்லை. ஏதோ நான்கு கூட்டங்களில் பேசி நாட்களை நகர்த்தலாம் என்று பார்த்தால் என் வயிற்றில் அடிப்பது மாதிரி என்னுடைய நிகழ்ச்சிகளை ரத்து செய்தது எனக்கு மிகுந்த வலியை தந்தது.

தொலைக்காட்சி ஒன்றின் விவாத மேடையில், விஜய் சரியான திசையில் பயணிக்கின்றார் என்று நான் உரையாற்றினேன். அந்த நாளில் இருந்து எனக்கு நெருக்கடியும், வசையும் மிரட்டலும் அதிகமாகவே வந்து கொண்டிருந்தது. எனக்கு யார் மீதும், கோபம், வருத்தம் இல்லை.

தெப்பம் ஒன்றின் திசையை தீர்மானிப்பது தண்ணீர். இன்றைக்கு எனது திசையை தவெக தலைவர் விஜய் தீர்மானித்து இருக்கிறார். நான் தவெகவில் என்னை இணைத்துக் கொண்டேன். உற்சாகமான மனநிலையில் இருக்கிறேன்.

கடந்த காலத்தில் ஏற்பட்ட கசப்புகள், காயங்களில் இருந்து விடுபட்டவனாக நான் இருக்கிறேன். விஜய்யை சந்தித்த பொன்வேளையில் இருந்து புதியதாய் பிறந்ததை போல் எண்ணி நான் பூரிக்கிறேன்.

திராவிட இயக்க சித்தாந்தம் என்றால் நடிகர் விஜய் தமது கட்சியில் கொள்கை தலைவர்கள் என்று ஈவெராவை தான் அவர் முன்னிறுத்துகிறார். அம்பேத்கரை கொள்கை தலைவராக ஏற்றுக் கொண்டார்.

தமிழகத்தின் தலைசிறந்த சொற்பொழிவாளர்கள் என்ற பட்டியலில் நான் முதலிடத்தில் இருக்கிறவன். என்னை இயங்கவிடாமல் முடக்கி வைத்து இருக்கிறார்கள். இன்றைக்கு இயங்குவதற்கான வாய்ப்பை விஜய் தந்து இருக்கிறார்.

விஜய் கட்சியில் திராவிடம் இல்லை என்று யார் சொன்னார்கள்? கட்சியின் பெயரில் தமிழகம் இருக்கிறதே. தமிழகத்தில் தமிழ் தேசியமும், திராவிட தேசியமும் ஒன்றுதான். திராவிட இயக்கத்தின் நீட்சியாக தான் விஜய்யை நான் பார்க்கிறேன்.

விஜய் என்ன மாற்றத்தை கொண்டு வரப் போகிறார் என்பது அவர் அறிவிக்கும் தேர்தல் அறிக்கையில் தெரியவரும். லட்சக்கணக்கான இளைஞர்களை மூலதனமாக வைத்திருக்க இயக்கம் தவெக. ஒரு நாட்டின் காலை பொழுதை தீர்மானிப்பவர்கள் இளைஞர்கள். இந்த இளைஞர்களை வைத்துக் கொண்டு ஒரு அதிரடி மாற்றத்தை செய்யும் திட்டம் விஜய்யிடம் இருக்கிறது என்று நான் நம்புகிறேன்.

திருப்பரங்குன்றம் சம்பவத்தில் விஜய் பேசாமல் இருப்பது ஒரு வகையில் நல்லது. இதில் ஒரு தரப்புக்கு ஆதரவாகவோ, மற்றொரு தரப்புக்கு எதிராகவோ விஜய் பேசாமல் இருப்பது அவரது தரப்புக்கு நல்லது. அமைதியாக இருப்பது ஒரு வகையில் நல்லது என்று நான் நினைக்கிறேன்.பாஜவுடன் நான் இணக்கமாக இல்லை, அதிகாரத்தில் உள்ள கட்சி. தேர்தல் இங்கே நடக்க போகிறது. அதனால் நான் பாஜவை விமர்சிக்கிறேன் என்று என்னிடம் விஜய் சொன்னார். திராவிட வெற்றிக் கழகத்தில் (மல்லை சத்யாவின் கட்சி) என்னை கூப்பிட்டார்கள், வரமுடியாது என்று சொல்லிவிட்டு தான் வந்தேன்.

திமுகவில் இருந்த நானாகவே வெளியேறினேன்.மதிமுகவில் இருந்தேன். பின்னர் அதிமுகவில் இருந்தேன்.ஜெயலலிதா மறைவுக்கு பின்னர் இபிஎஸ் தலைமையை ஏற்கவில்லை. டிடிவியுடன் பயணித்தேன். அமமுகவை ஆரம்பித்தார், கட்சியின் பெயரில் அண்ணாவும் இல்லை, திராவிடமும் இல்லை என்று கூறி வெளியேறினேன்.

தவெகவில் எந்த பொறுப்பும் இன்னும் எனக்கு தரப்படவில்லை. நான் பிரசாரம் செய்தே வாழ்ந்தவன். அந்த வாய்ப்பை தரவேண்டும் என்று விஜய்யிடம் கேட்டுள்ளேன். 6 வருடமாக எந்த கட்சியிலும் இல்லாத நான் இன்றைக்கு தவெகவில் இணைந்திருக்கிறேன். நான் எந்த கட்சியிலும் இருந்து மாறவில்லை. – இவ்வாறு நாஞ்சில் சம்பத் பேட்டியளித்தார்.

0 comments
0 FacebookTwitterPinterestEmail
ஐரோப்பா

ஐரோப்பிய ஒன்றியம் X நிறுவனத்திற்கு ரூ.1,259 கோடி அபராதம்

by Amizhthu
written by Amizhthu

ஐரோப்பிய ஒன்றியம் (EU) தனது டிஜிட்டல் சேவைகள் சட்டம் (Digital Services Act – DSA) மீறப்பட்டதாகக் கூறி, எலான் மஸ்க் தலைமையிலான சமூக ஊடக நிறுவனம் X (முன்னாள் Twitter) மீது ரூ.1,259 கோடி (அமெரிக்க டாலர் 140 மில்லியன்) அபராதம் விதித்துள்ளது.

முக்கிய குற்றச்சாட்டுகள்

ஐரோப்பிய ஆணையம் வெளியிட்ட அறிக்கையில், X நிறுவனம் பின்வரும் விதிமீறல்களில் ஈடுபட்டதாகக் கூறப்பட்டுள்ளது:

  • தவறான வடிவமைப்பு நடைமுறைகள்: பணம் செலுத்தி நீல சரிபார்ப்பு குறியீட்டை (Blue Checkmark) வாங்கும் வசதி, பொதுமக்களை தவறாக வழிநடத்தியதாகக் கருதப்பட்டது.
  • விளம்பரத் தகவல் வெளிப்படைத்தன்மை குறைபாடு: விளம்பரத் தரவு எவ்வாறு பயன்படுத்தப்படுகிறது என்பதைப் பற்றிய தெளிவான தகவல் வழங்கப்படவில்லை.
  • ஆராய்ச்சியாளர்களுக்கான அணுகல் தடைகள்: தவறான தகவல் மற்றும் தீங்கு விளைவிக்கும் உள்ளடக்கங்களை கண்காணிக்க தேவையான பொது தரவுகளை சுயாதீன ஆராய்ச்சியாளர்களுக்கு வழங்கவில்லை.

பின்னணி

2022 ஆம் ஆண்டு எலான் மஸ்க் Twitter-ஐக் கைப்பற்றி, அதை X என மறுபெயரிட்டார். “சொல்லுரிமை”க்கு அதிக முக்கியத்துவம் அளிப்பதாக அவர் வாக்குறுதி அளித்திருந்தாலும், உள்ளடக்கக் கண்காணிப்பு மற்றும் பாதுகாப்பு நடைமுறைகள் பலவீனப்படுத்தப்பட்டுள்ளன என்ற விமர்சனங்கள் எழுந்தன.

2024 இல் அமலுக்கு வந்த டிஜிட்டல் சேவைகள் சட்டம் (DSA), பெரிய சமூக ஊடக தளங்கள் சட்டவிரோத உள்ளடக்கங்களைத் தடுக்கும் நடவடிக்கைகளை எடுக்க வேண்டும், விளம்பரங்களில் வெளிப்படைத்தன்மையை உறுதி செய்ய வேண்டும், மேலும் ஆராய்ச்சியாளர்களுக்கு தரவுகளை வழங்க வேண்டும் எனக் கட்டாயப்படுத்துகிறது.

எதிர்வினைகள் மற்றும் தாக்கங்கள்

X நிறுவனம் இதுவரை விரிவான பதிலை வெளியிடவில்லை. ஆனால், இந்த அபராதம் மஸ்க் தலைமையிலான மேலாண்மை முறைக்கு கடுமையான சவாலாகவும், தொழில்நுட்ப நிறுவனங்களுக்கு கடுமையான எச்சரிக்கையாகவும் பார்க்கப்படுகிறது.

ஐரோப்பிய ஒன்றியம், Meta மற்றும் Apple போன்ற நிறுவனங்களுக்கும் சமீபத்தில் அபராதம் விதித்துள்ளது. இது, உலகளாவிய தொழில்நுட்ப நிறுவனங்களை கட்டுப்படுத்தும் EU-வின் விரிவான திட்டத்தின் ஒரு பகுதியாகக் கருதப்படுகிறது.

முடிவு

X நிறுவனத்திற்கு விதிக்கப்பட்ட ரூ.1,259 கோடி அபராதம், வெறும் நிதி தண்டனையாக அல்ல—இது டிஜிட்டல் துறையில் பொறுப்புணர்வை உறுதி செய்யும் கடுமையான எச்சரிக்கை. எலான் மஸ்க் தலைமையிலான X, தனது “சொல்லுரிமை” கொள்கையையும், சட்டப்பூர்வ கடமைகளையும் சமநிலைப்படுத்தும் சவாலில் தற்போது நிற்கிறது.

0 comments
0 FacebookTwitterPinterestEmail
தமிழீழம்

“ஆடம்பரங்களைத் தவிர்த்து கிறிஸ்துவின் பிறப்பைக் கொண்டாடுங்கள்,” – யாழ்ப்பாண மறைமாவட்ட தலைமை பாதிரியார்.

by Amizhthu
written by Amizhthu

அண்மையில் இலங்கையில் ஏற்பட்ட சூறாவளி மற்றும் வெள்ளப்பெருக்கினால் உயிரிழந்த, மற்றும் பாதிக்கப்பட்ட மக்களை மனதில் கொண்டவர்களாக வருகின்ற கிறிஸ்து பிறப்பு விழாவை அமைதியுடனும் அர்த்தமுள்ள வகையிலும் கொண்டாடுமாறு யாழ் மறை மாவட்ட குரு முதல்வர் இறை மக்களை கேட்டுள்ளார்.

பொருத்தமற்ற ஆடம்பரங்களை தவிர்த்து, பாதிக்கப்பட்ட மக்களுக்கு உதவி கரம் நீட்டும் செயற்பாடுகளை முன்னெடுத்து, பாலன் இயேசு கொண்டு வந்த அமைதி விடுதலை ஆகிய  நற்செய்திகளை மக்களுக்கு அறிவித்து, துன்புறும் மக்களோடு ஒன்றிணைந்த உள்ளங்களோடு கிறிஸ்து பிறப்பு விழாவை கொண்டாடுமாறு குரு முதல்வர் அழைப்பு விடுத்துள்ளார்.

0 comments
0 FacebookTwitterPinterestEmail
இலங்கை

“நான் ஓம் என்று சொன்னால், எனது புலம்பெயர் உறவினர்கள் எனக்கு பணம் அனுப்புவார்கள்” – அர்ச்சுனா

by Amizhthu
written by Amizhthu

“நான் ஆம் என்று சொன்னால், எனது புலம்பெயர் உறவினர்கள் எனக்கு பணம் அனுப்புவார்கள்” என்று யாழ்ப்பாண மாவட்ட சுயேச்சைக் குழு நாடாளுமன்ற உறுப்பினர் இராமநாதன் அர்ச்சுனா கூறினார்.

இயற்கை அனர்த்தத்தினால் பாதிக்கப்பட்டவர்களுக்காக யாழ்ப்பாணத்திற்காக 36 கோடி ரூபா ஒதுக்கப்பட்டுள்ளது. அந்தப் பணம் யாழ்ப்பாணத்திற்கு தேவையில்லை. வரவு- செலவுத்திட்டம் முடிந்த பின்னர் வேண்டுமென்றால் வடக்கிற்கு வாருங்கள். வேண்டுமென்றால் வடக்கிற்கும் கிழக்கிற்கும் புலம்பெயர்ந்தோரிடமிருந்து பணத்தை பெற்றுத்தருகின்றேன். தேவைப்பட்டால் தெற்கிற்கும் பகிர்கின்றேன். நான் ஆம் என்று கூறினால் புலம்பெயர் உறவுகள் பணத்தை அனுப்பி வைப்பார்கள் என யாழ் மாவட்ட சுயேச்சைக் குழு பாராளுமன்ற உறுப்பினர் அர்ச்சுனா இராமநாதன் தெரிவித்தார்.

பாராளுமன்றத்தில் வெள்ளிக்கிழமை (05-12-2025) நடைபெற்ற 2026 வரவு செலவுத் திட்டத்தின் பெருந்தோட்டத்துறை, சமூக உட்கட்டமைப்பு அமைச்சு, வர்த்தகம் மற்றும் உணவு பாதுகாப்பு அமைச்சு மற்றும் நிதி , திட்டமிடல் மற்றும் பொருளாதார அபிவிருத்தி அமைச்சு ஆகிய அமைச்சுகளுக்கான நிதி ஒதுக்கீடு மீதான குழுநிலை விவாதத்தில் உரையாற்றும் போது மேற்கண்டவாறு குறிப்பிட்டார்.

அங்கு அவர் மேலும் உரையாற்றியதாவது,

வடக்கு மாகாணத்திற்கு 36 கோடி ரூபா அண்மையில் அனுப்பி வைக்கப்பட்டுள்ளது. இந்நிலையில் சமத்துவம் என்ற விடயம் தெரியாமலே அரசாங்கம் செயற்படுவது மிகவும் கவலையாக இருக்கின்றது.

அனர்த்தத்தால் பாதிக்கப்பட்டவர்களுக்கு 25000 ரூபா கொடுக்கப்படுகின்றது. முழந்தால் அளவுக்கு தண்ணீர் வந்தவனுக்கும் அதே தொகைதான் வீடு முழுமையான மூடப்பட்டவருக்கும் அதே தொகைதான். 2ஆம் திகதி இடைத்தங்கல் முகாமொன்று அமைக்கப்பட்டுள்ளது. 30ஆம் திகதி மழை நின்ற பின்னர் 2ஆம் திகதி இடைத்தங்கல் முகாம் எதற்கு,

வடக்கு மற்றும் கிழக்கு உள்ளிட்ட சகல பிரதேசங்களிலும் படுமோசமான நிலைமையாக காணப்படுகிறது. யாழ்ப்பாணத்திற்காக 36 கோடி ரூபா ஒதுக்கப்பட்டுள்ளது. அதனை தேசிய மக்கள் சக்தியினருக்கே வழங்கப்படுகிறது. அந்தப் பணம் யாழ்ப்பாணத்திற்கு தேவையில்லை. அதனை தோட்டப்புற மக்களுக்கு வழங்குங்கள். அரசாங்கத்தின் செயற்பாடு வெட்கக்கேடானது. எனக்கு கொடுக்கும் கெப் வாகனத்திற்கான பணத்தை மக்களுக்கு கொடுங்கள். எனக்கு அந்த வாகனம் தேவையில்லை.

வரவு- செலவுத்திட்டம் முடிந்த பின்னர் வேண்டுமென்றால் வடக்கிற்கு வாருங்கள். வேண்டுமென்றால் வடக்கிற்கும் கிழக்கிற்கும் புலம்பெயர்ந்தோரிடமிருந்து பணத்தை பெற்று தருகிறேன். தேவைப்பட்டால் தெற்கிற்கும் பகிர்கின்றேன். நான் ஆம் என்று கூறினால் புலம்பெயர் உறவுகள் பணத்தை அனுப்பி வைப்பார்கள்.

வெள்ளத்தில் சிக்கிய என்னை இராணுவ வீரர்களே காப்பாற்றினார்கள்.மற்றவர்களுக்காக தமது உயிரைத் தியாகம் செய்யும் இராணுவ வீரர்களை இந்த அரசாங்கம் சிப்பாய்கள் என அழைக்கின்றது . இது எவ்வளவு கீழ்த்தரமான வேலை அவர்களை இராணுவ வீரர்கள் என கௌரவமாக அழைக்க வேண்டும் என்றார்.

0 comments
0 FacebookTwitterPinterestEmail
பிரித்தானியா

இரங்கல் செய்தி – ஜெயந்தன் இராமச்சந்திரன்

by Amizhthu
written by Amizhthu

தமிழீழ விடுதலைப் போராட்டத்தின் மீது ஆழமான பற்றுதலும், தளராத அர்ப்பணிப்பும் கொண்டவராக ஜெயந்தன் இராமச்சந்திரன் அவர்கள், பிரித்தானியத் தமிழ் இளையோர் அமைப்பின் செயல்வீரராகப் பத்தாண்டுகளுக்கும் மேலாக அயராது உழைத்தவர். ஐக்கிய இராச்சிய வடமேற்குப் பிராந்தியப் பொறுப்பாளராகச் செயற்பட்டு, தமிழ் இளையோர் அமைப்பின் செயற்திட்டங்களை முழு நேர்மையுடனும் உறுதியுடனும் முன்னெடுத்தவர்.

சமூகத்தின் மீதும், தமிழ் மக்களின் விடுதலைக் கனவின் மீதும் கொண்ட ஆழ்ந்த விசுவாசம் அவருடனான ஒவ்வொரு செயற்பாட்டிலும் வெளிப்படைந்தது. அமைதி, ஒழுங்கு, அர்ப்பணிப்பு, தியாகம் ஆகிய பண்புகளின் சின்னமாக அவர் விளங்கினார்.

03/12/2025 அன்று நிகழ்ந்த அவரது அகாலப் பிரிவு, தமிழ் சமூகத்திற்கும், அவரது நண்பர்கள், உறவினர், போராட்டச் சகோதரர்கள் அனைவருக்கும் ஈடு செய்ய முடியாத பேரிழப்பாகும்.

அவரை ஆழ்ந்த இரங்கலுடனும், மரியாதையுடனும் நினைவுகூருகின்றோம்.

அவரது ஆன்மா அமைதியடையட்டும்.

எமது இறுதி வணக்கம்.

ஈழத்து நிலவன் | 05.12.2025

0 comments
0 FacebookTwitterPinterestEmail
Video News - காணொளி செய்திகள்

கலவரபூமியாகும் மதுரை ! எது நியாயம் ? எது அரசியல் ?

by Amizhthu
written by Amizhthu

சிக்கலின் வரலாறு என்ன ?

திருப்பரங்குன்றம் சிக்கலில் உள்ள அரசியல் குறித்து காணொளி பதிவு இது !

0 comments
0 FacebookTwitterPinterestEmail
ஐரோப்பா

2025 ஐரோப்பா பயண விதிமுறைகள்: எல்லை சோதனைகள், சுற்றுலா வரிகள் மற்றும் நடத்தை கட்டுப்பாடுகள்

by Amizhthu
written by Amizhthu

2025 ஆம் ஆண்டில், ஐரோப்பா முழுவதும் புதிய பயண விதிமுறைகள் அறிமுகமாகியுள்ளன. எல்லைச் சோதனைகள், சுற்றுலா வரிகள், மற்றும் சுற்றுலா பயணிகளின் நடத்தை மீதான கட்டுப்பாடுகள் ஆகியவை, இந்த கண்டினெண்டில் பயணிக்க விரும்பும் அனைவருக்கும் முக்கியமான மாற்றங்களை ஏற்படுத்துகின்றன.

எல்லை சோதனைகள்: Entry/Exit System (EES)

அக்டோபர் 12, 2025 முதல், ஐரோப்பிய யூனியன் Entry/Exit System (EES) என்ற புதிய எல்லை கண்காணிப்பு முறைமையை அறிமுகப்படுத்தியுள்ளது. இது பாஸ்போர்ட் முத்திரை முறையை மாற்றி, உள்நுழையும் பயணிகளின் கைரேகை மற்றும் முகம் போன்ற உயிரணு தகவல்களை பதிவு செய்யும் முறை.

இந்த முறை அனைத்து EU நாடுகளுக்கும் (அயர்லாந்து மற்றும் சைப்ரஸ் தவிர) மற்றும் ஐஸ்லாந்து, நோர்வே, சுவிட்சர்லாந்து, லிக்டென்ஸ்டைன் போன்ற நாடுகளுக்கும் பொருந்தும். பயண அனுமதி காலம் மீறுபவர்களை கண்டறிவது மற்றும் பாதுகாப்பை மேம்படுத்துவது இதன் நோக்கம்.

ETIAS மற்றும் UK ETA: மின்னணு அனுமதிகள்

ETIAS (European Travel Information and Authorisation System) என்ற மின்னணு அனுமதி திட்டம் 2026 இறுதிக்கே தள்ளி வைக்கப்பட்டுள்ளது. இது விசா தேவையில்லாத பயணிகளுக்கு €20 கட்டணத்தில் மூன்று ஆண்டுகள் செல்லும் அனுமதியை வழங்கும்.

UK ETA (Electronic Travel Authorisation) திட்டம் 2026 பிப்ரவரி முதல் கட்டாயமாகிறது. 85 நாடுகளிலிருந்து வரும் பயணிகள் £16 (€18.20) கட்டணத்தில் ஆறு மாதங்களுக்கு அனுமதி பெற வேண்டும்.

சுற்றுலா வரிகள் மற்றும் தங்கும் கட்டுப்பாடுகள்

ஐஸ்லாந்து, ஸ்பெயின், நோர்வே, UK போன்ற நாடுகள் சுற்றுலா வரிகளை அதிகரித்துள்ளன. வெனிஸ் நகரம், தினசரி வரிகளை தொடர்கிறது. பாரிஸ் மற்றும் பார்சிலோனா போன்ற நகரங்கள், Airbnb போன்ற குறுகிய கால வாடகை வசதிகளை கட்டுப்படுத்தி, வீட்டு விலை உயர்வை கட்டுப்படுத்த முயலுகின்றன.

நடத்தை கட்டுப்பாடுகள்: தரமான சுற்றுலா

ஐரோப்பிய நகரங்கள் தற்போது “தரமான சுற்றுலா” என்ற கொள்கையை முன்னிறுத்துகின்றன. அழுக்காறு, ஒழுங்கின்மை, மரியாதையற்ற நடத்தை போன்றவற்றுக்கு அதிக அபராதங்கள் விதிக்கப்படுகின்றன. பழமையான இடங்களில், உடை மற்றும் நடத்தை குறித்த குறியீடுகள் கடுமையாக கண்காணிக்கப்படுகின்றன.

பயணிகள் கவனிக்க வேண்டியவை

2025 மற்றும் அதற்குப் பிறகு ஐரோப்பாவுக்கு பயணிக்க விரும்பும் அனைவரும் முன்னேற்பாடுகளைச் செய்ய வேண்டும். நீண்ட எல்லை நேரங்கள், அதிக செலவுகள், மற்றும் ஒழுங்கு விதிகள் ஆகியவை எதிர்பார்க்கப்படுகின்றன.

இந்த மாற்றங்கள் ஐரோப்பாவின் கலாச்சார பாரம்பரியம், குடியிருப்பாளர்களின் நலன் மற்றும் சுற்றுலா நிலைத்தன்மையை பாதுகாக்கும் முயற்சியாக அரசுகள் விளக்குகின்றன.

1 comment
0 FacebookTwitterPinterestEmail
ஐரோப்பா

பச்சைக் குத்தும் கலைக்கு புதிய கேள்விகள்: நோய் எதிர்ப்பு சக்திக்கு ஆபத்து?

by Amizhthu
written by Amizhthu

தனிப்பட்ட வெளிப்பாடு மற்றும் கலைச் சின்னமாகக் கருதப்படும் பச்சைக் குத்தும் நடைமுறை தற்போது மருத்துவ ஆராய்ச்சியாளர்களின் கவனத்திற்கு வந்துள்ளது. சுவிட்சர்லாந்து மற்றும் ஸ்வீடன் விஞ்ஞானிகள் வெளியிட்ட புதிய ஆய்வுகள், பச்சைக் குத்தும் மை தோலில் மட்டும் நிலைத்திருக்காது; அது உடலின் நோய் எதிர்ப்பு அமைப்பிற்குள் சென்று, நீண்டகால பாதிப்புகளை ஏற்படுத்தக்கூடும் என எச்சரிக்கின்றன.

நோய் எதிர்ப்பு அமைப்பில் மை துகள்கள்

சுவிட்சர்லாந்தின் Institute for Research in Biomedicine (IRB), Università della Svizzera italiana (USI) ஆய்வாளர்கள், பச்சைக் குத்தும் மையின் தாக்கத்தை விரிவாக ஆய்வு செய்துள்ளனர். PNAS இதழில் வெளியான அவர்களின் கண்டுபிடிப்புகள், குறிப்பாக கருப்பு மற்றும் சிவப்பு நிற மை, விரைவில் லிம்ப் சுரப்பிகளில் சேர்ந்து, நீண்டகால அழற்சி மற்றும் நோய் எதிர்ப்பு செல்களின் அழிவு ஏற்படுத்துவதாகக் கூறுகின்றன.

தடுப்பூசி விளைவுகள் பாதிப்பு

ஆய்வில், பச்சைக் குத்தப்பட்ட எலிகள் COVID-19 தடுப்பூசிக்கு குறைந்த அளவு எதிர்ப்பு சக்தி காட்டின. அதே நேரத்தில், காய்ச்சல் தடுப்பூசிக்கு அதிகப்படியான எதிர்வினை காணப்பட்டது. விஞ்ஞானிகள், மை துகள்கள் ஏற்படுத்தும் அழற்சி, தடுப்பூசிகளின் செயல்பாட்டை மாற்றக்கூடும் எனக் கருதுகின்றனர்.

புற்றுநோய் தொடர்புகள்

ஸ்வீடன் மற்றும் டென்மார்க் ஆய்வுகள், பச்சைக் குத்தியவர்களில் லிம்போமா மற்றும் தோல் புற்றுநோய் அதிகரித்திருப்பதை வெளிப்படுத்துகின்றன. ஸ்வீடனில் 12,000 பேரை ஆய்வு செய்ததில், 21% அதிக லிம்போமா அபாயம் கண்டறியப்பட்டது. பெரிய அளவிலான பச்சைக் குத்தல்கள் (கை அளவை விட பெரியவை) 2.7 மடங்கு அதிக லிம்போமா அபாயம் மற்றும் இரட்டிப்பு தோல் புற்றுநோய் அபாயம் கொண்டிருந்தன.

கட்டுப்பாடுகள் குறைவு

பச்சைக் குத்தும் மைகள் பெரும்பாலும் பிளாஸ்டிக் மற்றும் பேன்ட் உற்பத்திக்காக உருவாக்கப்பட்ட தொழில்துறை நிறமிகள் கொண்டிருக்கின்றன. மருத்துவப் பொருட்களைப் போல கடுமையான கட்டுப்பாடுகள் இவற்றுக்கு இல்லை. 2022 முதல் ஐரோப்பாவில் REACH விதிமுறைகள் மூலம் சில கட்டுப்பாடுகள் அறிமுகப்படுத்தப்பட்டாலும், உலகளவில் ஒரே மாதிரியான கண்காணிப்பு இல்லை.

நிபுணர்கள் எச்சரிக்கை

“பச்சைக் குத்தும் மையின் நோய் எதிர்ப்பு விளைவுகளைப் பற்றிய மிக விரிவான ஆய்வாக இது அமைந்துள்ளது. இது பச்சைக் குத்தும் நடைமுறைக்கு தொடர்பான தீவிர சுகாதார ஆபத்துகளை வெளிப்படுத்துகிறது,” என சுவிட்சர்லாந்து ஆய்வாளர்கள் தெரிவித்தனர்.

ஸ்வீடன் ஆராய்ச்சியாளர்களும், பச்சைக் குத்தல்கள் கலாச்சார வெளிப்பாட்டின் ஒரு பகுதியாக இருந்தாலும், அதன் நீண்டகால சுகாதார விளைவுகள் இன்னும் தெளிவாக அறியப்படவில்லை; அவை அவசரமாக ஆய்வு செய்யப்பட வேண்டும் என வலியுறுத்தினர்.

முடிவு

பச்சைக் குத்தல்கள் நவீன கலாச்சாரத்தில் தொடர்ந்தும் பிரபலமாக இருந்தாலும், அவை உடலின் நோய் எதிர்ப்பு சக்திக்கு மறைமுக ஆபத்துகளை ஏற்படுத்தக்கூடும் என்பதற்கான ஆதாரங்கள் அதிகரித்து வருகின்றன. மனிதர்களில் இதே விளைவுகள் உறுதிப்படுத்தப்பட வேண்டியிருந்தாலும், பொதுமக்கள் விழிப்புணர்வு மற்றும் கடுமையான கட்டுப்பாடுகள் அவசியம் என நிபுணர்கள் கூறுகின்றனர்.

0 comments
0 FacebookTwitterPinterestEmail
இந்தியா

துபாய்-ஹைதராபாத் விமானத்திற்கு வெடிகுண்டு மிரட்டல் விடுக்கப்பட்டதால் பயணிகள் மத்தியில் பீதி ஏற்பட்டது.

by Amizhthu
written by Amizhthu

துபாயில் இருந்து ஹைதராபாத்துக்கு EK 526 என்ற எமிரேட்ஸ் விமானம் புறப்பட்டது. விமானம் நடுவானில் பறந்து கொண்டிருந்த போது, அதில் வெடிகுண்டு வைக்கப்பட்டு இருப்பதாக விமான நிறுவனத்திற்கு ஒரு இ மெயில் வந்தது.

மிரட்டலை அடுத்து, விமான நிலைய பாதுகாப்பு குழுவினர் உடனடியாக செயலில் இறங்கினர். ஹைதராபாத் விமான நிலையத்தில் மிகவும் பாதுகாப்புடன் விமானம் இறக்கப்பட்டது. அதன் பின்னர், உடனடியாக பாதுகாப்பு நடவடிக்கைகளை அதிகாரிகள் தொடங்கினர்.

அனைத்து பயணிகளையும், அவர்களின் உடமைகளையும் தனிமைப்படுத்தினர். தீயணைப்புத் துறையினர் வரவழைக்கப்பட்டு சோதனைகள் நடத்தப்பட்டன. இந்த சோதனையில் மோப்ப நாய்களும் பயன்படுத்தப்பட்டன.

பல மணி நேரம் நீடித்த இந்த சோதனையில் எவ்வித வெடிகுண்டுகளும் கண்டுபிடிக்கப்படவில்லை. இதையடுத்து, பயணிகள் அனைவரையும் பாதுகாப்பாக அனுப்பி வைத்தனர்.

நேற்றைய தினம், மதீனா-ஹைதராபாத் விமானத்துக்கு இருமுறை இ மெயில் மூலமாக வெடிகுண்டு மிரட்டல் விடுக்கப்பட்டது. உடனடியாக, அந்த விமானத்தை அதிகாரிகள் குழுவினர், ஆமதாபாத்திற்கு திருப்பி விட்டனர்.

0 comments
0 FacebookTwitterPinterestEmail
ஐரோப்பா

2026 யூரோவிஷன் போட்டியில் இஸ்ரேல் பங்கேற்க அனுமதி – நான்கு நாடுகள் புறக்கணிப்பு அறிவிப்பு

by Amizhthu
written by Amizhthu

யூரோவிஷன் பாடல் போட்டியின் வரலாற்றில் மிகப்பெரிய சர்ச்சையை ஏற்படுத்தும் வகையில், இஸ்ரேல் பங்கேற்க அனுமதி அளிக்கப்பட்டதைத் தொடர்ந்து குறைந்தது நான்கு நாடுகள் 2026 போட்டியை புறக்கணிக்க உள்ளதாக அறிவித்துள்ளன.

பின்னணி

யூரோவிஷன் போட்டியை நடத்தும் ஐரோப்பிய ஒளிபரப்பு ஒன்றியம் (EBU), 2026 மே 16 அன்று வியன்னாவில் நடைபெறவுள்ள 70வது போட்டியில் இஸ்ரேல் பங்கேற்கும் என வியாழக்கிழமை அறிவித்தது. காசா போரின் சூழ்நிலையால் இஸ்ரேலை விலக்க வேண்டும் என்ற கோரிக்கைகள் இருந்தபோதிலும், ஜெனீவாவில் நடைபெற்ற பொதுக்கூட்டத்தில் உறுப்பினர்கள் வாக்கெடுப்பை நடத்தாமல் முடிவு செய்தனர்.

புறக்கணிக்கும் நாடுகள்

அறிவிப்புக்குப் பிறகு அயர்லாந்து (RTÉ), ஸ்பெயின் (RTVE), நெதர்லாந்து (AVROTROS), ஸ்லோவேனியா (RTV) ஆகியவை போட்டியில் பங்கேற்காது எனத் தெரிவித்தன.

  • RTÉ (அயர்லாந்து): “தற்போதைய சூழ்நிலையில் பங்கேற்பது ஒழுக்கரீதியாக ஏற்றுக்கொள்ள முடியாது” எனக் கூறியது.
  • RTVE (ஸ்பெயின்): போட்டியை ஒளிபரப்பாது என்றும், இஸ்ரேல் பங்கேற்பது “பொது ஒளிபரப்பாளரின் பொறுப்புகளுக்கு முரணானது” எனக் குறிப்பிட்டது.
  • AVROTROS (நெதர்லாந்து): இஸ்ரேல் பங்கேற்பது “பொது மதிப்புகளுக்கு முரணானது” என வலியுறுத்தியது.
  • RTV (ஸ்லோவேனியா): மற்ற நாடுகளின் நிலைப்பாட்டை ஆதரித்து புறக்கணிப்பில் இணைந்தது.

EBU-வின் நிலைப்பாடு

EBU தனது முடிவை பாதுகாத்து, பெரும்பான்மையான உறுப்பினர்கள் வாக்கெடுப்பு தேவையில்லை என ஒப்புக்கொண்டதாக தெரிவித்தது. அரசுகள் போட்டியின் நடுநிலையைக் குலைக்காத வகையில் புதிய விதிமுறைகள் அறிமுகப்படுத்தப்பட்டதாகவும், யூரோவிஷன் “கலாச்சார நிகழ்வு” மட்டுமே, அரசியல் மேடையாக இருக்கக்கூடாது என வலியுறுத்தியது.

எதிர்வினைகள்

இந்த முடிவு ஐரோப்பா முழுவதும் கடும் விவாதத்தை ஏற்படுத்தியுள்ளது. விமர்சகர்கள், இஸ்ரேலை அனுமதிப்பது யூரோவிஷன் நடுநிலையைக் குறைக்கிறது எனக் கூறுகின்றனர். ஆதரவாளர்கள், யூரோவிஷன் அரசியல் தண்டனைகளுக்கான இடம் அல்ல, கலாச்சார பரிமாற்றத்திற்கான மேடை என வலியுறுத்துகின்றனர்.

எதிர்காலம்

2025 போட்டியில் Wasted Love பாடலுடன் வெற்றி பெற்ற ஆஸ்திரிய பாடகர் JJ-வின் வெற்றியின் அடிப்படையில், 2026 போட்டி வியன்னாவில் நடைபெற உள்ளது. ஆனால், புறக்கணிப்பு விரிவடையுமா அல்லது EBU-வின் புதிய விதிமுறைகள் போட்டியின் நம்பகத்தன்மையை காப்பாற்றுமா என்பது அடுத்த மாதங்களில் கவனிக்கப்படும் முக்கிய அம்சமாக உள்ளது.

சுருக்கம்: இஸ்ரேல் பங்கேற்பதற்கு அனுமதி அளிக்கப்பட்டதால் அயர்லாந்து, ஸ்பெயின், நெதர்லாந்து, ஸ்லோவேனியா ஆகியவை 2026 யூரோவிஷனை புறக்கணிக்கின்றன. போட்டி வியன்னாவில் நடைபெறவுள்ளது, ஆனால் இந்த சர்ச்சை யூரோவிஷன் எதிர்கால ஒற்றுமையை சவாலுக்கு உள்ளாக்கியுள்ளது.

0 comments
0 FacebookTwitterPinterestEmail
தமிழகம்

தமிழ்நாட்டில் ஒரு லட்சம் பெண்களுக்கு ரூ.10 லட்சம் வரை கடன் வழங்கும் திட்டத்தை தமிழக அரசு தொடங்கியுள்ளது.

by Amizhthu
written by Amizhthu

தமிழகத்தில், ஒரு லட்சம் மகளிரை தொழில் முனைவோராக்க, 10 லட்சம் ரூபாய் வரை கடன் வழங்கும் திட்டத்தை, தமிழக அரசு துவக்கியுள்ளது.

இதற்காக, கடந்த 10 நாட்களில், 5,631 பேர் விண்ணப்பித்து உள்ளனர். ஆண்களுக்கு இணையாக தமிழக பெண்களும் சுய தொழில் துவங்க ஆர்வம் காட்டுவது தெரியவந்துள்ளது.

தமிழக பொருளாதார வளர்ச்சியில், பெண்களின் பங்கை மேலும் அதிகரிக்க வேண்டும் என்ற நோக்கத்துடன், அடுத்த ஐந்து ஆண்டுகளில், ஒரு லட்சம் மகளிரை தொழில் முனைவோராக்கும் திட்டத்தை, தமிழக அரசு துவக்கியுள்ளது.

இத்திட்டத்தை, தமிழக சிறு, குறு, நடுத்தர தொழில் துறையின் கீழ் இயங்கும் தொழில் வணிக ஆணையரகம் செயல்படுத்துகிறது. அதன்படி ஆண்டுக்கு, 20,000 பேருக்கு, 10 லட்சம் ரூபாய் வரை வங்கிகளில் கடனுதவி வழங்கப்பட உள்ளது.

இதற்கு, 25 சதவீதம் அதிகபட்சம், 2 லட்சம் ரூபாய் வரை மானியம் வழங்கப்படும். பயனாளிக்கு, தொழில் முனைவோர் மேம்பாட்டு நிறுவனம் வாயிலாக திறன் பயிற்சி அளிக்கப்படுவதுடன், தொழில் பதிவு, சந்தைப்படுத்துதல் உதவிகள், பேம் டி.என்., நிறுவனம் செய்ய உள்ளது.

இத்திட்டத்திற்கு விண்ணப்பிக்கும் நபரின் பெயர், ரேஷன் கார்டில் இருப்பதுடன், வயது, 18 முதல், 55க்குள் இருக்க வேண்டும். கல்வி தகுதி கிடையாது. உற்பத்தி, சேவை, வணிகம் ஆகிய பிரிவுகளில் தொழில்களை துவங்கலாம்.

விண்ணப்பதாரரின் தொழில் திட்டங்கள், ஆவணங்கள் சரிபார்க்கப்பட்டு, பயனாளிகள் தேர்வு செய்யப்பட்டு, கடன் வழங்க, வங்கிகளுக்கு பரிந்துரை செய்யப்படுவர். கடன் வழங்க விண்ணப்பம் பெறும் பணி, கடந்த, 10 நாட்களுக்கு முன் துவங்கியது. இத்திட்டத்தில் கடன் பெற்று தொழில் துவங்க, பெண்கள் ஆர்வம் காட்டி வருகின்றனர்.

இதனால், கடந்த 10 நாட்களிலேயே, 5,631 பேர் விண்ணப்பம் செய்துள்ளனர். அவற்றை பரிசீலனை செய்ததில், 1,891 விண்ணப்பங்களுக்கு ஒப்புதல் அளிக்கப்பட்டுள்ளது. அதில், 65 பேருக்கு கடன் வழங்க வங்கிகளுக்கு பரிந்துரை செய்யப்பட்டுள்ளது.

இத்திட்டத்தின் கீழ் கடன் பெற, www.msmeonline.tn.gov.in என்ற இணையதளத்தில் விண்ணப்பிக்கலாம்.

0 comments
0 FacebookTwitterPinterestEmail
Newer Posts
Older Posts
Close