Women’s World – மகளிர் உலகம்

உலகளவில் பெண்கள் மீதான வன்முறையை ஒழிக்கும் நாளாக இன்று நவம்பர் 25ஆம் திகதி கடைபிடிக்கப்படுகிறது. இது ஒரு சாதாரண நினைவு தினம் அல்ல; இது உலக மனசாட்சியின் ஒரு கேள்வி. பெண்கள் இன்றும் அனுபவிக்கும் உடல், மன, சமூக, பொருளாதார, தொழில், குடும்ப மற்றும் பாலியல் வன்முறைகள் மனிதகுலத்தின் நாகரிக நிலையை நேரடியாக சவாலாக எழுப்புகின்றன. மனித சமூகம் அறிவியல், விண்வெளி, செயற்கை நுண்ணறிவு, மருத்துவம் போன்ற துறைகளில் முன்னேறிக் கொண்டிருந்தாலும், குடும்பத்தின் உள்ளே, வேலை இடங்களில், தெருக்களில், ஒன்லைன் தளங்களில், சட்ட நடைமுறைகளில், கலாசார நடைமுறைகளில் கூட பெண்கள் இன்னும் பாதுகாப்பற்ற நிலையிலேயே வாழ்கின்றனர். அந்த வகையில் இந்நாளானது ‘அறிவு – நாகரிகம் – மனித நேயம்’ இடைவெளியை தெளிவாக வெளிப்படுத்துகிறது.

இந்த தினத்தின் வரலாறு மனித உரிமை எதிர்ப்புப் போராட்டத்தின் அடையாளம். டொமினிகன் குடியரசில் அரசியல் அடக்குமுறைக்கு எதிராக பெண்களுக்கு ஆதரவாக குரல் கொடுத்த, “மறக்கமுடியாத பட்டாம்பூச்சிகள்” என பின்னாளில் அழைக்கப்பட்ட மிரபால் சகோதரிகள் 1960 நவம்பர் 25 அன்று கொடூரமாகக் கொலை செய்யப்பட்டனர். அவர்களின் மரணம் பெண்கள் குரல் கொடுத்தால் சமூகமும் அதிகாரமும் அவர்களை ஒடுக்க முயலும் உண்மையை உலகுக்கு வெளிப்படுத்தியது. இதனைக் குறிப்பிட்டு ஐக்கிய நாடுகள் சபை 1999ஆம் ஆண்டில் இந்த தினத்தை உலகளாவிய மனித உரிமை தினமாக அறிவித்தது. பெண்கள் பாதுகாப்பு என்பது பெண்களின் பிரச்சனை மட்டுமல்ல; அது நாகரிகத்தின் அடிப்படை வரையறை. ஒரு சமூகம் பெண்களை எப்படி நடத்துகிறது என்பதே அந்த சமூகத்தின் மனிதநேயத்துக்கான அளவுக்கோல்.

பெண்கள் மீதான வன்முறை பல வடிவங்களில் வெளிப்படுகிறது. உடல் வன்முறை, குடும்ப அடக்குமுறை, பாலியல் துஷ்பிரயோகம், குழந்தை திருமணம், பணம் / பொருளாதார கட்டுப்பாடு, வேலை இட துன்புறுத்தல் (Sexual Harassment), ஒன்லைன் கிண்டல் மற்றும் அச்சுறுத்தல், சமூக விமர்சனம், மரியாதைக்கு எதிரான கொலை (Honour Killing), மனநிலை கட்டுப்பாடு, உணர்ச்சி வன்முறை…. இவை அனைத்துக்குமான ஒரே சொல், “ஆதிக்கம்”. வன்முறையின் மூல காரணம் சக்தி சமதளமின்மை. வரலாற்றில் ஆண்கள் சமூக, பொருளாதார, அரசியல் சக்தியை கட்டுப்படுத்தினார்கள்; பெண்கள் பெரும்பாலும் குடும்ப சூழலில் உணர்ச்சி மற்றும் பராமரிப்பு பொறுப்புகளுக்கு ஒதுக்கப்பட்டனர். இந்த பண்பாட்டு நிலை, விரிவாக, ஒரு “normalised oppression”ஆக அமைந்தது. பெண்கள் துன்புறுத்தப்படுவது இயல்பானது, பொருளாதாரத் தேவைக்காக ஆண்களை சார்ந்திருப்பது இயல்பானது, ஆண்களின் முடிவுகளுக்கு உடன்படுவது ‘நல்ல பெண்’ணுக்கான பண்பாடு என வரையறுக்கப்பட்டது.

மனவியல் நோக்கில், வன்முறை என்பது உடல்நிலை தாக்கமே அல்ல; அது மனிதரின் மன அடையாளத்தில் ஆழமான காயத்தை உருவாக்குகிறது. பெண்கள் நீண்டகால வன்முறையை எதிர்கொண்டால் அவர்களின் தன்னம்பிக்கை, வாழ்வின் கட்டுப்பாட்டு உணர்வு, உறவு நம்பிக்கை, உடல் – மனம் ஒருமை, எதிர்கால கண்டுபிடிப்புத் திறன் ஆகியவை பாதிக்கப்படுகின்றன. பல பெண்கள் வெளிப்படையாக சிரிக்கின்றனர், குடும்பத்தினருடன் இயல்பாக நடந்து கொள்கிறார்கள். ஆனால் உள்ளுக்குள் அவர்கள் பயத்தின் அமைதியான சிறைக்கு உட்படுத்தப்பட்டுள்ளனர். இது ஆழ்காயம், மனஅழுத்தக் கோளாறு (Complex PTSD) என மனநலத் துறையில் அழைக்கப்படுகிறது. அரசியல் விவாதம்

வன்முறை நேரடியான உடல் துன்பமாக இருந்தாலும், அதன் நீண்டகால விளைவுகள் மனசக்தி குறைதல், கவலை, மனச்சோர்வு, தூக்க பிரச்சினைகள், நினைவாற்றல் குறைவு, தன்னம்பிக்கை வீழ்ச்சி, வாழ்வில் நம்பிக்கை இழப்பு போன்ற தடங்களைக் கொண்டுள்ளது. சிலருக்கு இது தற்கொலை சிந்தனைகளுக்கும் வழிவகுக்கும்.

பெண் உடலைக் கட்டுப்படுத்தும் சமூக அரசியல் அமைப்புகள் வன்முறையின் அடிப்படை காரணம். சமூகத்தில் பெண்ணின் உடல் பெரும்பாலும் பாலியல் அபிலாசையின் நோக்கில் பார்க்கப்படுகிறது. விளம்பரங்களில், ஊடகங்களில், திரையுலகத்தில் பெண்ணின் உடல் பெரும்பாலும் பொருளாக்கப்படுகிறது (Objectification). இது ஒருபுறம், பெண்களை ‘அழகின் பொருள்’ என்று வைக்கிறது; மறுபுறம் ‘அவர்களை பயன்படுத்தும் உரிமை ஆண்களுக்கு உள்ளது’ என்ற தவறான கலாசார கருத்தை உருவாக்குகிறது. இதனால் வேலை இடங்களில் பெண்கள் தங்கள் திறமையை நிரூபித்தாலும், அவர்களின் உடல், வார்த்தை மரியாதை, சமூக மரியாதை பாதுகாக்கப்படாமல் போகிறது.

இலங்கையும் இந்தியாவும் இந்த இடத்தில் வேறுபாடு இல்லாத நிலை கொண்டுள்ளன. குடும்ப கலாசாரம், ‘பெண் அமைதியாக இருக்க வேண்டும்’ என்ற பழைய நெறி, குடும்ப பிரச்சினைகளை வெளிவிடுவது அவமானம் என்ற எண்ணம் — இவை அனைத்தும் பெண்களின் வலி மற்றும் குரலை குடும்ப சுவற்றின் உள்ளே பூட்டி விடுகின்றன. ஆயிரக்கணக்கான பெண்கள் வன்முறையை அனுபவித்தாலும், அவர்கள் மௌனமாக இருப்பதற்கான காரணம் சமூக தீர்ப்பு. ‘அவள் பேசினால் குடும்பம் சிதறும்’, ‘மக்கள் என்ன பேசுவார்கள்’, ‘அவள் மீதே தவறு இருந்திருக்கும்’ போன்ற குற்றப்படுத்தும் பார்வைகள் பெண்களை வேதனையின் சிறைக்குள் தள்ளுகின்றன. சட்டங்கள் இருந்தாலும், அவற்றை பயன்படுத்துவதற்கான மன தைரியம் சமூக ஆதரவும் மனநல ஆதரவும் இல்லாமல் உருவாக முடியாது.

இன்றைய உலகில் வன்முறையின் புதிய வடிவம் ஒன்லைன் வன்முறை. சமூக வலைத்தளங்களில் பெண்கள் கருத்து தெரிவித்தாலே அச்சுறுத்தல், பாலியல் நச்சு மொழி, புகைப்பட மாற்றங்கள், மிரட்டல்கள், காழ்ப்புணர்வு நகைச்சுவை — இவை யாவும் டிஜிட்டல் வன்முறைகள். இது மனச்சோர்வு, பயம், சமூக விலகல் போன்றவற்றை உருவாக்குகிறது. மேலும், deepfake technological பெண்கள் மீது புதிய அச்சுறுத்தலாக மாறியுள்ளது. சட்டம் மற்றும் தொழில்நுட்பம் முன்னேறி women-specific safety algorithms உருவாக வேண்டியது அவசியம்.

வன்முறையை எதிர்ப்பதில் மனநல ஆதரவு மிக முக்கியம். மீட்பின் பயணத்தில் பெண்கள் முதலில் தங்களை “தவறு செய்தவர் நான் அல்ல” என்பதை உள்ளுக்குள் உறுதிப்படுத்த வேண்டும். அதற்கான மனவியல் சிகிச்சைகளாக Trauma counseling, Cognitive Behavioral Therapy, Support group healing circles போன்றவை பல நாடுகளில் பரவலாக பயன்படுத்தப்பட்டு வருகின்றன. இலங்கையிலும் இந்தியாவிலும் சமீபத்தில் பல NGO அமைப்புகள் பெண்களுக்கு பாதுகாப்பு மையங்கள், தற்காலிக தங்குமிடங்கள், சட்ட ஆலோசனைகள், உளவியல் ஆலோசனைகள் வழங்குகின்றன. இது முன்னேற்றத்தின் நேர்மறை சுட்டிக்காட்டாகும். ஆனால், சட்டம் மட்டும் போதாது. சமூக முடிவு மாற்ற வேண்டும். ஆண்கள் கற்றுக்கொள்ளவேண்டியது… அவர்கள் பெண்களுக்கு மீது அதிகாரம் கொண்டவர்கள் அல்ல, அவர்கள் மனிதர்களுள் ஒருவரே.

சம உரிமை என்பது சமூக மற்றும் நாகரிகத்தின் அடிப்படை. பள்ளிகளில் சிறுவனுக்கும் சிறுமிக்கும் “எல்லோரும் மனிதர்களே, அனைவரும் மதிப்பு உள்ளவர்கள்” என்பதைக் கற்பிக்க வேண்டும். ‘பாலின மரியாதை கல்வி’ (Gender Sensitivity) பட்டப்படிப்புகள், பள்ளிகள், அலுவலகங்கள், நிர்வாக துறைகளில் கட்டாயமாக சேர்க்கப்படவேண்டும்.

இந்த நாளின் குறியீட்டு நிறம் ஒரெஞ்ச். அது நம்பிக்கை, புதிய ஒளி, வன்முறை இல்லா எதிர்காலத்தை குறிக்கிறது. நவம்பர் 25இல் இருந்து டிசம்பர் 10 (மனித உரிமை நாள்) வரையான 16 நாட்களும் சர்வதேசமெங்கும் செயற்பாட்டு பிரச்சாரங்கள் நடத்தப்படுகின்றன. இந்தியா, இலங்கை, பங்களாதேஷ், நேபாள், ஆபிரிக்க நாடுகள், ஐரோப்பா எங்கும் இதன் தாக்கம் அதிகரித்து வருகிறது. இது வன்முறையின் பிரச்சினையை தனிப்பட்ட குடும்ப பிரச்சினை அல்ல, பொதுவான மனித உரிமை பிரச்சினையாக நிறுவுகிறது.இலங்கை செய்திகள்

பெண்கள் பாதுகாப்பு என்பது பெண்களை காப்பாற்றுவது என்ற narrow concept அல்ல; அது குடும்பத்தை பாதுகாப்பது, சமூகத்தை பாதுகாப்பது, மனிதனின் எதிர்காலத்தை பாதுகாப்பது. ஒரு தாயின் மனம் காயமடைந்தால், ஒரு தலைமுறையின் மனம் காயமடைகிறது. ஒரு பெண் சிரிப்பது உலகம் சிரிப்பதற்கான விதை. ஆகவே பெண்கள் மீதான வன்முறையை ஒழிப்பது மனிதகுலத்தின் வாழ்வியல் காவலாகும்.

முடிவாக, நவம்பர் 25 நமக்கு நினைவூட்டுவது:

பெண்கள் பாதுகாப்பு என்பது சட்டத்தின் கடமை மட்டுமல்ல, ஒவ்வொருவரின் மனநிலையின் மறுபிறப்பு. பெண்களை மதிக்கும் சமூகமே வளர்ச்சியின் உயர்நிலையைத் தொடும். பெண் குரல் மௌனப்படுத்தப்பட்டால், சமூகம் சிதையும். பெண் குரல் உயர்த்தப்பட்டால், சமூகம் உயரும்.

பெண் பாதுகாப்பு = மனித பாதுகாப்பு! பெண் மரியாதை = மனித மரியாதை!

– நடராசா கோபிராம்,
உளவியல் சிறப்புக் கலை மாணவன்
யாழ்ப்பாணப் பல்கலைக்கழகம்.

நம் முன்னோர்கள் பெண்கள் அணியும் ஒவ்வொரு ஆபரணங்களும் உடல் ரீதியில் பல்வேறு நன்மைகளை தரும் என கூறி வந்தனர். ஆனால் இந்த காலக்கட்டத்தில் இருக்கின்ற பெண்களுக்கு ஆபரணங்கள் அணிவதன் நன்மைகள் பற்றி அதிகம் தெரிவதில்லை. தெரியமாலேயே பெண்கள் ஆபரணங்கள் மீது நாட்டம் கொள்கின்றனர்.

நம் பெரியவர்கள் எதைச் செய்தாலும் அதற்கு ஒரு அர்த்தம் இருந்தது. பழங்காலத்திலிருந்தே, பெண்கள் காலில் வெள்ளி கொலுசு அணியும் பாரம்பரியம் இருந்து வருக்கிறது. வெள்ளி கொலுசு அணிவது உங்கள் பாதங்களை அழகாக மாற்றும் என்பதில் சந்தேகமில்லை.

ஆனால் அதில் என்னென்ன நன்மைகள் இருக்கின்றது என்பது உங்களுக்கு தெரியுமா?

• கல்லீரல், பித்தப்பை, சிறுநீரகம், சிறுநீர்ப்பை, வயிறு போன்ற மிக முக்கிய உறுப்புகளின் செயல் திறனை வெள்ளி கொலுசு தூண்டிவிடும்.
  
• கர்ப்பப்பை இறக்க பிரச்னையை வெள்ளி கொலுசு அணிவதன் மூலம் தீர்க்கலாம்.
  
• வெள்ளி கொலுசு பெண்களுக்கு குளிர்ச்சியைக் கொடுக்கும். உடல் சூட்டை குறைக்கும்.
  
• பெண்களின் குதிகால் நரம்பினைத் தொட்டுக் கொண்டு இருப்பதால் குதிகால் பின் நரம்பின் உணர்ச்சிகளைக் கட்டுப்படுத்தும்.
  
• பெண்களின் இடுப்பு பகுதியில் ஏற்படும் வலியினை தடுக்க கொலுசு பயன்படுகிறது.
  
• கால்களுக்கு நல்ல இரத்த ஓட்டத்தை அதிகரிப்பதோடு கால் பலமிழந்து போவதையும் தடுக்கும்.
  
• உடலில் நோய் அதிகரிப்பு சக்தியை அதிகரிக்கும்.
  
• முக்கிய சுரப்பிகளிளை சமநிலையாக வைத்திருக்கவும் கருப்பபை ஆரோக்கியத்திற்கும் உதவும்.

🚩 பொறுப்புத் துறப்பு.

⚠️ அமிழ்து வலைத்தளம் அழகு குறிப்புகள் மற்றும் தயாரிப்பு மதிப்புரைகளை தகவல் நோக்கங்களுக்காக மட்டுமே வழங்குகிறது. தனிப்பட்ட முடிவுகள் மாறுபடலாம். எந்தவொரு புதிய தயாரிப்புகள் அல்லது சிகிச்சைகளையும் முயற்சிக்கும் முன் தோல் மருத்துவர் அல்லது பிற தகுதிவாய்ந்த சுகாதார நிபுணரை அணுகவும்.

⚠️இந்த தளத்தில் குறிப்பிடப்பட்டுள்ள தகவல் அல்லது தயாரிப்புகளைப் பயன்படுத்துவதால் ஏற்படும் எந்தவொரு பாதகமான எதிர்விளைவுகள் அல்லது விளைவுகளுக்கும் நாங்கள் (அமிழ்து) பொறுப்பல்ல.

வட்டம், நீள்வட்டம், திலகம் என பல வடிவங்கள், அளவுகள் மற்றும் நிறங்களில் நெற்றிப்பொட்டு வைப்பது பெண்களின் வழக்கம். அதை முக அமைப்புக்கு ஏற்ற விதத்தில் தேர்ந்தெடுத்தால், அழகை மேம்படுத்திக் காட்டும். 

உங்களுக்கு பொருத்தமான நெற்றிப்பொட்டைத் தேர்ந்தெடுப்பதற்கான சில குறிப்புகள் இங்கே… 

வட்டமான முகம் கொண்ட பெண்கள், பெரிய வட்ட வடிவ நெற்றிப்பொட்டுகளைத் தவிர்க்க வேண்டும். ஏனெனில், அவை உங்கள் முகத்தை மேலும் வட்டமானதாகக் காட்டும். நீண்ட திலக வடிவம் அல்லது சிறிய வட்ட வடிவ நெற்றிப்பொட்டு உங்களுக்கு பொருத்தமாக இருக்கும். 

இதய வடிவ முகம் கொண்ட பெண்களுக்கு நெற்றி மற்றும் கன்னப்பகுதி அகலமாகவும், தாடைப் பகுதி குறுகலாகவும் இருக்கும். இவர்கள் பெரிய அளவு நெற்றிப்பொட்டுகளைத் தவிர்க்கலாம். சிறிய மற்றும் எளிமையான வட்டவடிவ நெற்றிப்பொட்டுகள் இவர்களின் முக அழகை அதிகரிக்கும். 

டயமண்ட் என்று சொல்லக்கூடிய வைர வடிவ முக அமைப்பு கொண்ட பெண்களின் நெற்றிப்பகுதி சிறியதாகவும், கன்னங்கள் அளவாகவும், தாடைப்பகுதி கூர்மையாகவும் இருக்கும். இவர்களுக்கு எல்லா வடிவ நெற்றிப்பொட்டுகளும் ஏற்றவை. ஆனாலும், நீள வடிவங்களைக் காட்டிலும், வட்டவடிவ நெற்றிப்பொட்டுகள் இவர்களுக்கு மிகவும் பொருத்தமாக இருக்கும். 

நீள்வட்ட வடிவ முக அமைப்பு கொண்ட பெண்களுக்கு நெற்றி மற்றும் கன்னங்கள் சம அளவோடும், தாடைப்பகுதி கூர்மையாகவும் இருக்கும். இவர்களுக்கு எல்லா வடிவ பொட்டுகளும் பொருத்தமாக இருக்கும். அதே சமயத்தில் வட்ட வடிவ நெற்றிப்பொட்டுகள் முகத்துக்கு கூடுதல் அழகு சேர்க்கும்.

நெற்றி, கன்னம் மற்றும் தாடைப்பகுதி ஒரே அளவில் இருக்கும் பெண்களின் முகம் சதுர வடிவத்தில் இருக்கும். வலுவான கன்னங்கள் மற்றும் பரந்த தாடை அமைப்பு கொண்ட இவர்களுக்கு, வட்ட வடிவ நெற்றிப்பொட்டு ஏற்றதாக இருக்கும். பிறை வடிவ நெற்றிப்பொட்டுகளையும் இவர்கள் தேர்ந்தெடுக்கலாம். 

பொதுவான குறிப்புகள்: 

நீங்கள் அணியும் ஆடை மற்றும் உங்கள் தலை அலங்காரத்துக்கு ஏற்றவாறு நெற்றிப்பொட்டுகளை தேர்ந்தெடுப்பது சிறந்தது. 

பெரிய விழிகளைக் கொண்ட பெண்கள், அலங்காரமான நெற்றிப்பொட்டுகளை வைக்கலாம். இதனால் பார்ப்பவர்களின் கவனம், உங்கள் கண்களைத் தவிர்த்து நெற்றிப்பொட்டின் மீது செல்லும். 

அகலமான தாடைப்பகுதி கொண்ட பெண்கள், பெரிய அளவு நெற்றிப்பொட்டு வைக்கும்போது முகத்தின் அளவு சமமாகத் தெரியும். 

மேற்கத்திய பாணி உடைகள் அணியும்போது, எளிமையான சிறிய வட்ட வடிவ நெற்றிப்பொட்டு சிறந்த தேர்வாக இருக்கும்.

🚩 பொறுப்புத் துறப்பு.

⚠️ அமிழ்து வலைத்தளம் அழகு குறிப்புகள் மற்றும் தயாரிப்பு மதிப்புரைகளை தகவல் நோக்கங்களுக்காக மட்டுமே வழங்குகிறது. தனிப்பட்ட முடிவுகள் மாறுபடலாம். எந்தவொரு புதிய தயாரிப்புகள் அல்லது சிகிச்சைகளையும் முயற்சிக்கும் முன் தோல் மருத்துவர் அல்லது பிற தகுதிவாய்ந்த சுகாதார நிபுணரை அணுகவும்.

⚠️இந்த தளத்தில் குறிப்பிடப்பட்டுள்ள தகவல் அல்லது தயாரிப்புகளைப் பயன்படுத்துவதால் ஏற்படும் எந்தவொரு பாதகமான எதிர்விளைவுகள் அல்லது விளைவுகளுக்கும் நாங்கள் (அமிழ்து) பொறுப்பல்ல.

நமது ஆளுமையை பிறரிடம் எடுத்துரைப்பது கண்கள்தான். நம்மில் எழும் கோபம், மகிழ்ச்சி, வெறுப்பு போன்ற உணர்வுகளை கண்கள் எளிதாகப் பிறருக்கு எடுத்துக்காட்டும்.

சோர்ந்து, ஒளி இழந்த கண்கள் முகத்தின் அழகையும், தோற்றத்தின் பொலிவையும் குறைக்கும். எனவே கண்களின் அழகை மேம்படுத்திக்காட்டும் சில மேக்கப் முறைகளைப் பற்றி தெரிந்துகொள்வோம். 

டின்ட் மொய்ஸ்சுரைசர் மற்றும் ஐ கிரீம் கலவை: கண்களைச் சுற்றிலும் வறட்சி இன்றி ஈரப்பதத்துடன் காட்சியளிக்க, மொய்ஸ்சுரைசரை ஐ கிரீமுடன் கலந்து பயன்படுத்த வேண்டும். கண்களைச் சுற்றியுள்ள பகுதிகள், இமை முடி, இமைகள் என அனைத்து பகுதியிலும் இந்தக் கலவையை மென்மையாகத் தேய்த்து மசாஜ் செய்ய வேண்டும். இதனால், சோர்வடைந்த கண்கள் புத்துணர்வு பெறும். 

லைனருக்கு மாற்றாக ஷீர் ஷேடோ: கண்களை அழகாக்க ஐ லைனர் பயன்படுத்துவார்கள். இதற்குப் பதிலாக கண் இமைகள் மேல், வெளிர் பழுப்பு நிற ஷேடோவை மெலிதாகத் தடவலாம். பொடி போல் இருக்கும் இந்த ஷேடோவைத் தடவும் போது, கண்களின் இமைகள் பிரகாசமாகப் பிரதிபலிக்கும். கண்களின் தோற்றத்தை அழகாய் எடுத்துக் காட்டுவதுடன், சிறிய கண்களையும் பெரிதாக காட்டும். இதற்கு, சில நொடிகள் மட்டும் செலவிட்டாலே போதுமானது.ஐ ஷேடோவை லைனராக பயன்படுத்தும் போது, அது நாள் முழுவதும் நீடித்து நிற்கும். கிரீம்களாக இல்லாமல், தூள் வடிவில் பயன்படுத்தும்போது நீண்ட காலம் நீடிக்கும். 

புருவத்தை உயர்த்திக்காட்ட: முகத்தையும், கண்களையும் அழகாய் காட்டுவதில் முக்கிய பங்கு புருவத்திற்கு உண்டு. கண்களின் வடிவத்திற்கு ஏற்ப புருவங்களை திருத்திக் கொள்ளலாம். சிறிய கண்கள் கொண்டவர்கள் புருவத்தை நீண்ட வளைவாக அமைக்கலாம். அகலமான கண்கள் இருந்தால், புருவங்களை மெல்லியதாக வடிவமைக்கலாம். 

கருவளையத்தை நீக்குதல்: கண்களின் கீழ் இருக்கும் கருவளையத்தை மறைப்பதற்கு ‘பீச்’ டோன் கொண்ட கன்சீலரைப் பயன்படுத்தலாம். கண்களின் கீழ்ப் பகுதி, புருவத்திற்கும் கண்ணுக்கும் இடைப்பட்ட பகுதி, கண் ஓரங்களில் ஆங்கில எழுத்து ‘வி’ போன்ற அமைப்பில் தடவ வேண்டும். இதனால், கருவளையம் மறைந்து சரும நிறத்தோடு ஒத்துப்போகும். 

கறுப்பு நிற ஐ லைனரை தவிர்க்கவும்: கண்கள் சோர்வாக இருக்கும் போது, கறுப்பு நிறத்தில் ஐ லைனரைப் பயன்படுத்தினால் மேலும் சோர்வடைந்ததாகக் காட்டும். கறுப்பு நிறத்திற்கு மாற்றாக, பழுப்பு நிற ஐ லைனரை உபயோகிக்கலாம். வெண்கல அல்லது மிதமான பழுப்பு நிற ஐலைனர் அணியும்போது, கண்கள் அழகாக இருக்கும். இவை கண்களைப் பிரகாசமாக பிரதிபலிக்கும். 

ஐ லேஷஸ், மஸ்காரா: கண்களை அழகாக எடுத்துக்காட்ட ஐ லேஷஸ் உதவும். இவை நேராக இல்லாமல், வளைந்து இருக்கும்போது கண்கள் மிகவும் எடுப்பாகத் தெரியும். மஸ்காரா பலமுறை தடவினால் கண் இமை முடிகள் பெரியதாகத் தெரியும்.

🚩 பொறுப்புத் துறப்பு.

⚠️ அமிழ்து வலைத்தளம் அழகு குறிப்புகள் மற்றும் தயாரிப்பு மதிப்புரைகளை தகவல் நோக்கங்களுக்காக மட்டுமே வழங்குகிறது. தனிப்பட்ட முடிவுகள் மாறுபடலாம். எந்தவொரு புதிய தயாரிப்புகள் அல்லது சிகிச்சைகளையும் முயற்சிக்கும் முன் தோல் மருத்துவர் அல்லது பிற தகுதிவாய்ந்த சுகாதார நிபுணரை அணுகவும்.

⚠️இந்த தளத்தில் குறிப்பிடப்பட்டுள்ள தகவல் அல்லது தயாரிப்புகளைப் பயன்படுத்துவதால் ஏற்படும் எந்தவொரு பாதகமான எதிர்விளைவுகள் அல்லது விளைவுகளுக்கும் நாங்கள் (அமிழ்து) பொறுப்பல்ல.

திருமணத்துக்கு தயாராகும் பெண்களே, திருமணத்துக்கு இன்னும் சில நாட்கள் மட்டுமே எஞ்சியுள்ளது என பயப்படுகின்றீர்களா? அப்படியானால், கீழ்வரும் அழகு குறிப்புகளை பின்பற்றிப் பாருங்கள். திருமணத்தன்று தேவதையை போல் நீங்கள் ஜொலிக்கலாம்.

கண்ணின் அழகு மேம்பட வெள்ளரிபிஞ்சு வைத்து கண்ணை மூடி கொண்டு 15 நிமிடம் முகத்தை சாய்த்து ஓய்வெடுக்கலாம். கணினி, கைபேசி, தொலைகாட்சி போன்றவற்றை குறைத்து கொள்ளலாம். இது உங்கள் கண்களை புத்துணர்ச்சியுடன் வெளிக்காட்டும்.

கண்ணின் கீழ் கரு வளையங்கள் போக வேண்டும் என்றால் வாழைப்பழத்தை அல்லது வாழையின் தோலை, பேஸ்ட் போல் செய்து தடவலாம்.

கற்றாழை போன்ற இயற்கை பொருட்களால் முகத்தை, கழுத்தை, கை, கால் பகுதிகளை நன்றாக 15-20 நிமிடம் வரை தேய்த்து தடவி, பின் கழுவி விடலாம். மிக அழகான அளவிலான பொலிவு இதனால் கிடைக்கும். எப்படிப்பட்டவர்களுக்கும் 5 வயது குறைந்த அழகு கொடுக்கும்.

பீட்ரூட்டை, உதடு பகுதிகளில் சிறிது தடவி இரண்டு உதடும் சேர்த்து….ம்ம் என்று செய்வது போல் 5-10 நிமிடம் செய்து வந்தால் உதடு அழகு கூடும்.

தக்காளி மற்றும் பாதாம் (ஊறவைத்து) சேர்த்து அரைத்து முகத்தில் தடவி வர முகம் ஜொலிக்கும்.

கை, கால்களில் தேவை இல்லாத முடியை நீக்க, குப்பை மேனி இலை, கஸ்தூரி மஞ்சள் சேர்த்து பூசினால், முடிகள் உதிர்ந்து, கைகளும், கால்களும் புது பொலிவு பெறும்.

பன்னீர் மிகவும் குளிர்ச்சியானது. சருமத்திற்கு புத்துணர்வு தருவது. இதனை முகத்தில் போட்டு 10-15 நிமிடம் கழித்து கழுவி விட, பொலிவு கூடும்.

சரும நன்மைக்கு இரவு நேர உணவும் முக்கியமானது. மாலையில் உப்பு நிறைந்த உணவுகளை தவிர்க்க வேண்டும். சொல்லபோனால் திருமணம் நிச்சயிக்கப்பட்ட உடன் உப்பு நிறைந்த உணவுகளை எப்போதுமே தவிர்க்க வேண்டும். தொடர்ந்து சில நாட்கள் உப்பு உணவை தவிர்த்தால் சருமத்தின் கண்களுக்கு கீழ் இருக்கும் வீக்கம் கட்டுப்படுவதை பார்ப்பீர்கள்.

கிரீம் வகைகளில் விட்டமின் ‘சி’ இருப்பதை உறுதி செய்யுங்கள். குறிப்பாக கண்களை சுற்றியுள்ள கருமை போக விட்டமின் ‘சி’யும் தேவையான ஒன்று. இது கருமையான புள்ளிகளை நீக்கி சரும நிறத்தை மேம்படுத்துகிறது. அழகான பளபளப்பான சருமத்தை அளிகிறது.

கண் சோர்வு, கண் மந்தம் நீங்கி கண்கள் பொலிவு பெற கண்களுக்கு கீழ் மென்மையாக மசாஜ் செய்யுங்கள். இது கண் இரைப்பை வீக்கம் இல்லாமல் அழகாக வைத்திருக்கும். முகத்தில் கண்களின் அழகும் தனியாக தெரியும்.

🚩 பொறுப்புத் துறப்பு

⚠️ அமிழ்து வலைத்தளம் அழகு குறிப்புகள் மற்றும் தயாரிப்பு மதிப்புரைகளை தகவல் நோக்கங்களுக்காக மட்டுமே வழங்குகிறது. தனிப்பட்ட முடிவுகள் மாறுபடலாம். எந்தவொரு புதிய தயாரிப்புகள் அல்லது சிகிச்சைகளையும் முயற்சிக்கும் முன் தோல் மருத்துவர் அல்லது பிற தகுதிவாய்ந்த சுகாதார நிபுணரை அணுகவும்.

⚠️இந்த தளத்தில் குறிப்பிடப்பட்டுள்ள தகவல் அல்லது தயாரிப்புகளைப் பயன்படுத்துவதால் ஏற்படும் எந்தவொரு பாதகமான எதிர்விளைவுகள் அல்லது விளைவுகளுக்கும் நாங்கள் (அமிழ்து) பொறுப்பல்ல.