Home செய்திகள் முதன்மை செய்திகள்
Category:

முதன்மை செய்திகள்

இந்தியாமுதன்மை செய்திகள்

டெல்லி குண்டுவெடிப்பு சம்பவம்: சிசிடிவி காட்சிகளை கைப்பற்றி போலீசார் தீவிர விசாரணை நடத்தி வருகின்றனர்.

by Amizhthu
written by Amizhthu

டில்லி கார் குண்டுவெடிப்பு சம்பவத்தில், கார் சென்ற இடங்களின் சிசிடிவி காட்சிகளை கைப்பற்றி டில்லி போலீசார் தீவிர விசாரணை நடத்தி வருகின்றனர்.

தலைநகர் டில்லி செங்கோட்டை அருகே நேற்று காரை வெடிக்கச் செய்து பயங்கரவாத தாக்குதல் நடத்தப்பபட்ட சம்பவம் பரபரப்பை கிளப்பி உள்ளது. செங்கோட்டை அருகே, மாலை 6:52 மணிக்கு, சிக்னலில் மெல்ல ஊர்ந்து சென்று கொண்டிருந்த கார் திடீரென பயங்கர சத்தத்துடன் வெடித்து சிதறியது.

இதில் அருகில் இருந்த ஆறு கார்கள், இரண்டு இ – ரிக் ஷாக்கள், ஒரு ஆட்டோ ஆகியவை தீப்பற்றி எரிந்தன. இதனால், அப்பகுதியில் இருந்த மக்கள் அலறியடித்து ஓடினர். இந்த சம்பவத்தில் 12 பேர் உயிரிழந்தனர்; 25க்கும் அதிகமானோர் படுகாயம் அடைந்தனர்.

தகவல் அறிந்து விரைந்து சென்ற தீயணைப்பு துறையினர், சில மணி நேர போராட்டத்துக்கு பின், தீயை கட்டுக்குள் கொண்டு வந்தனர். ஜம்மு – காஷ்மீர் மற்றும் ஹரியானாவில், 2,900 கிலோ வெடிபொருட்கள் சிக்கிய அதே நாளில் இந்த சம்பவம் நிகழ்ந்தது. இந்த சம்பவம் தொடர்பாக சட்டவிரோத செயல்பாடுகள் தடுப்பு சட்டத்தின் (UAPA) கீழ் டில்லி போலீசார் வழக்குப்பதிவு செய்து இருக்கின்றனர்.

இந்நிலையில் இன்று (நவ., 11) கார் சென்ற இடங்களின் சிசிடிவி காட்சிகளை கைப்பற்றி டில்லி போலீசார் தீவிர விசாரணை நடத்தி வருகின்றனர். கார் சென்ற பார்க்கிங், டோல்கள் உட்பட 100க்கும் மேற்பட்ட சிசிடிவி காட்சிகளை போலீசார் ஆய்வு செய்து வருகின்றனர். இது குறித்து டில்லி போலீசார் கூறியதாவது: சந்தேக நபரின் கார் பார்க்கிங் பகுதிக்குள் நுழைந்து வெளியேறுவதைக் காட்டும் சிசிடிவி காட்சிகள் கைப்பற்றப்பட்டு இருக்கிறது.

அந்த காட்சிகளில் குண்டு வெடிப்பு நடந்த நேரத்தில் சந்தேக நபர் தனியாக இருக்கிறார். புலனாய்வாளர்கள் இப்போது தர்யாகஞ்ச் நோக்கி செல்லும் பாதையைக் கண்காணித்து வருகின்றனர், அதே நேரத்தில் அருகிலுள்ள சுங்கச்சாவடிகளில் இருந்து வரும் காட்சிகள் உட்பட 100க்கும் மேற்பட்ட சிசிடிவி காட்சிகளை கைப்பற்றி ஆய்வு செய்யப்பட்டு வருகின்றன. இவ்வாறு போலீசார் தெரிவித்தனர்.

0 comments
0 FacebookTwitterPinterestEmail
இந்தியாமுதன்மை செய்திகள்

“டில்லி கார் குண்டு வெடிப்பு சம்பவத்தில் ஈடுபட்டவர்கள் தப்ப முடியாது.” இந்திய பாதுகாப்பு துறை அமைச்சர் ராஜ்நாத் சிங் திட்டவட்டமாக தெரிவித்துள்ளார்.

by Amizhthu
written by Amizhthu

டில்லி கார் குண்டு வெடிப்பு சம்பவத்தில் ஈடுபட்டவர்கள் தப்ப முடியாது. இந்த துயர சம்பவத்திற்கு காரணமானவர்கள் நீதியின் முன் நிறுத்தப்படுவார்கள் என பாதுகாப்பு துறை அமைச்சர் ராஜ்நாத் சிங் திட்டவட்டமாக தெரிவித்துள்ளார்.

Indian Defense Minister Rajnath Singh

டில்லி கார் குண்டு வெடிப்பு சம்பவம் தொடர்பாக, நிருபர்களிடம் ராஜ்நாத் சிங் கூறியதாவது:

டில்லி சம்பவத்திற்கு காரணமானவர்கள் எந்த சூழ்நிலையிலும் தப்பிக்க விடமாட்டோம். டில்லி குண்டு வெடிப்பு சம்பவம் தொடர்பாக நாட்டின் முன்னணி விசாரணை அமைப்புகள் தீவிர விசாரணை மேற்கொண்டு வருகிறது.

டில்லி கார் குண்டு வெடிப்பு சம்பவத்தில் ஈடுபட்டவர்கள் தப்ப முடியாது என்று நான் தேசத்திற்கு உறுதி அளிக்கிறேன். இந்த துயர சம்பவத்திற்கு காரணமானவர்கள் நீதியின் முன் நிறுத்தப்படுவார்கள். இதில் தொடர்புடையவர்களை நாங்கள் தப்பிக்க விடமாட்டோம்.

இந்த சம்பவம் தொடர்பாக உண்மை மக்களுக்கு விரைவில் தெரிவிக்கப்படும். உயிரிழந்தவர்களின் குடும்பத்தினருக்கு உரிய நீதி பெற்றுத்தரப்படும்.

குற்றவாளிகளுக்கு கடும் தண்டனை வழங்கப்படும். விசாரணையின் முடிவுகள் விரைவில் பொதுவெளியில் வெளியிடப்படும். இந்த துயர சம்பவத்தில் உயிரிழந்தவர்களின் குடும்பத்தினருக்கு இரங்கலைத் தெரிவித்துக் கொள்கிறேன். பாதிக்கப்பட்டவர்களின் குடும்பங்களுக்கு வலிமையையும், ஆறுதலையும் அளிக்க கடவுளிடம் பிரார்த்திக்கிறேன். இவ்வாறு ராஜ்நாத் சிங் கூறினார்.

0 comments
0 FacebookTwitterPinterestEmail
இந்தியாமுதன்மை செய்திகள்

“டில்லி கார் வெடிப்பு சம்பவத்தில் ஈடுபட்ட குற்றவாளிகள் யாரும் தப்பிக்க முடியாது.” மிகவும் கனத்த இதயத்துடன் பூடான் வந்துள்ளேன் என இந்திய பிரதமர் மோடி தெரிவித்துள்ளார்.

by Amizhthu
written by Amizhthu

2 நாள் சுற்றுப்பயணமாக பூடான் சென்றுள்ள பிரதமர் மோடி, தலைநகர் திம்புவில் நடந்த நிகழ்ச்சியில் பிரதமர் மோடி பேசியதாவது: டில்லியில் நடந்த கொடூரமான சம்பவம் அனைவரையும் அதிர்ச்சிக்குள்ளாக்கி உள்ளது. மிகவும் கனத்த இதயத்துடன் பூடான் வந்துள்ளேன். டில்லி கார் வெடிப்பு சம்பவத்தில் உயிரிழந்தவர்களின் குடும்பவத்திற்கு ஆதரவாக தேசம் துணை நிற்கும்.

குற்றவாளிகள் யாரும் தப்பிக்க முடியாது. நீதியின் முன் நிறுத்தப்படுவார்கள். இதன் பின்னணியில் உள்ள சதிக்காரர்களை தப்பிக்க விடமாட்டோம். இந்த சதித்திட்டத்தின் வேர் வரை சென்று, பின்னால் இருப்பவர்கள் யார் என்று கண்டுபிடிக்கப்படுவார்கள். சம்பந்தப்பட்டவர்கள் அனைவரும் நிச்சயம் தண்டிக்கப்படுவார்கள். கோழைத்தனமான தாக்குதலுக்கு பதிலடி கொடுக்கப்படும். இவ்வாறு பிரதமர் மோடி பேசினார்.

டில்லி குண்டு வெடிப்பு சம்பவத்தை தொடர்ந்து நாளை (நவ., 12) மாலை பிரதமர் மோடி தலைமையில் மத்திய அமைச்சரவை கூட்டம் நடைபெற உள்ளது. பூடானில் இருந்து நாளை புறப்படும் பிரதமர் மோடி நேரடியாக மத்திய அமைச்சரவை கூட்டத்தில் பங்கேற்க உள்ளார்.

0 comments
0 FacebookTwitterPinterestEmail
தமிழகம்முதன்மை செய்திகள்

அவதுாறு வழக்கில் குறுக்கு விசாரணை செய்வதற்காக பாஜ முன்னாள் தலைவர் அண்ணாமலை வந்திருந்த நிலையில், டி.ஆர்.பாலு சைதாப்பேட்டை கோர்ட்டுக்கு வரவில்லை.

by Amizhthu
written by Amizhthu

இதனால் வழக்கு விசாரணை டிச 24’க்கு ஒத்திவைக்கப்பட்டது.

கடந்த, 2023, ஏப்.,14ல், தமிழக பா.ஜ., தலைவராக அண்ணாமலை இருந்தபோது, ‘டி.எம்.கே., பைல்ஸ்’ என்ற பெயரில், திமுக பிரமுகர்களின் சொத்து பட்டியலை வெளியிட்டார். ”தி.மு.க., பொருளாளரும், எம்.பி.,யுமான டி.அர். பாலுவுக்கு, 21 நிறுவனங்கள் இருப்பதாகவும், அவருக்கும், குடும்ப உறுப்பினர்களுக்கும், 10 ஆயிரம் கோடி ரூபாய்க்கு சொத்து இருப்பதாகவும்’ அண்ணாமலை கூறினார்.

இதையடுத்து, அண்ணாமலை மீது, சென்னை சைதாப்பேட்டை நீதிமன்றத்தில் பாலு அவதுாறு வழக்கு தொடர்ந்தார். இந்த வழக்கில் டிஆர்பாலு கோர்ட்டில் ஆஜராகி வாக்குமூலம் அளித்துள்ளார்.

இந்நிலையில், ‘வழக்கில் நானே டிஆர்பாலுவிடம் நேரடியாக குறுக்கு விசாரணை செய்யப்போவதாக’ அண்ணாமலை அறிவித்தார். அந்த குறுக்கு விசாரணை இன்று நவ.,11ல் நடப்பதாக இருந்தது. டி.ஆர்.பாலுவிடம் அண்ணாமலை நடத்த இருக்கும் குறுக்கு விசாரணையை எதிர்பார்த்து பல்வேறு தரப்பினர் காத்திருந்தனர்.

இன்று (நவ., 11) அண்ணாமலை குறுக்கு விசாரணைக்காக சைதாப்பேட்டை கோர்ட்டுக்கு தயாராக வந்திருந்தார். ஆனால் டி.ஆர்.பாலு கோர்ட்டுக்கு வரவில்லை. நீதிபதிகளிடம், ‘டிஆர்பாலு எம்.பி.,யாக இருப்பதால் அதற்கான பணியில்அவர் ஈடுபட்டு இருக்கிறார். இதனால் வழக்கு விசாரணையை வேறு தேதிக்கு ஒத்தி வைக்க வேண்டும்’ என்று அவரது வக்கீல்கள் வேண்டுகோள் விடுத்தனர்.

பின்னர் வழக்கு விசாரணை டிச.,24க்கு ஒத்திவைக்கப்பட்டது. அதேநேரத்தில், சென்னை, சுவாமி சிவானந்தா சாலையில் வாக்காளர் பட்டியல் தீவிர சிறப்பு திருத்தத்திற்கு எதிராக திமுக கூட்டணி கட்சிகள் தலைமையில் நடந்த ஆர்ப்பாட்டத்தில் டிஆர்பாலு பங்கேற்றார்.

0 comments
0 FacebookTwitterPinterestEmail
தமிழகம்முதன்மை செய்திகள்

“தமிழகத்தில் வன்மத்தோடு நடக்கும் திமுக ஆட்சியை, நின்று கேள்வி கேட்கும் திறமை நம்மிடம் இருக்க வேண்டும்” என கட்சியினருக்கு மத்திய நிதியமைச்சர் நிர்மலா சீதாராமன் அறிவுரை கூறினார்.

by Amizhthu
written by Amizhthu

2026ம் ஆண்டு சட்டசபை தேர்தல் பணிகள் தொடர்பாக, கோவையில் இன்று (நவ., 11) பாஜ நிர்வாகிகளுடன் நிர்மலா சீதாராமன் ஆலோசனை நடத்தினார். தமிழக பாஜ தலைவர் நயினார் நாகேந்திரன், வானதி சீனிவாசன் உள்ளிட்ட நிர்வாகிகள் பங்கேற்றனர்.

பின்னர் முதலிபாளையத்தில் நடந்த நிகழ்ச்சியில் நிர்மலா சீதாராமன் பேசியதாவது:தமிழகத்தில் எப்பொழுதும் சொல்ல கூடியது, எங்களுக்கு வர வேண்டிய நிதி வரவில்லை. எல்லா பணமும் வட மாநிலங்களுக்கு போய்விடுகிறது. 20 ரூபாய் வரி கட்டினால், அதில் எங்களுக்கு ரூ.2 கூட திருப்பி கைக்கு வருவதில்லை என்பதுதான்.

திமுக பல வருடங்களாக ஆளுமையில் இருந்த கட்சி. கோவைதான் முக்கியமான தமிழகத்திற்கு அதிக நிதி கொடுக்கிறது. கோவைக்காரர்கள் எல்லோரும் எழுந்து நின்று, நாங்கள் தான் நிறைய பணம் கொடுக்கிறோம், எங்களுக்கே எல்லா பணமும் வருகிறதா, இல்லையா? நாங்கள் கட்டும் வரியில் எங்களுக்கு எவ்வளவு பணம் திருப்பி வருகிறது என்று கேட்டால் நம்ம அரியலூர் என்னவாகும், ராமநாதபுரம் என்னவாகும்?

நாம் எல்லோரும் நின்று திமுகவிடம் கேள்வி கேட்க வேண்டும். பிரதமர் மோடி யாருக்கும் குறை வைக்காமல் ஆட்சி நடத்தி கொண்டு இருக்கிறார்.

இங்கு வன்மத்தோடு நடக்கும் திமுக ஆட்சியை, நின்று கேள்வி கேட்கும் திறமை நம்மிடம் இருக்க வேண்டும். நான்கு விஷயத்தை படிக்க வேண்டும். கல்வி திட்டம் நாடு முழுவதும் எல்லோரும் ஏற்றுக்கொண்டு நன்றாக பண்ணி கொண்டு இருக்கிறார்கள். கேரளாவில் இருக்கும் கம்யூனிஸ்ட் கட்சி கூட, பிஎம்ஸ்ரீ கல்வி திட்டம் நமக்கும் வர வேண்டும்.

கல்வி தரம் உயர வேண்டும் என நினைக்கின்றனர். கல்விக்காக மத்திய அரசு என்ன திட்டங்கள் கொண்டுவந்தாலும் உடனே, அதை எதிர்த்து தமிழக அரசு போராடுகிறது. திமுக ஆட்சியில் தடை செய்யப்பட்ட ஜல்லிக்கட்டை மீண்டும் கொண்டுவந்தவர் பிரதமர் மோடி.

மக்கள் மத்திய அரசை ஏற்றுக்கொள்ளக் கூடாது என்பதால் அதன் திட்டங்களை இவர்கள் எதிர்க்கின்றனர். ஆட்சிக்கு வந்ததும் நீட் தேர்வு ரத்து செய்யப்படும் என திமுகவினர் கொடுத்த வாக்குறுதி என்ன ஆனது? தற்போது கிராமப்புற மாணவர்கள் கூட நீட் தேர்வில் தேர்ச்சி பெறுகிறார்கள். அதை கொண்டு வந்தவர் பிரதமர் மோடி. சட்டசபையில் பலம் இருக்கிறது என்பதால் பிரதமருக்கு எதிராக தீர்மானம் நிறைவேற்றுகின்றனர்.

வாக்காளர் பட்டியலில் திருத்தம் செய்ய வேண்டும் என்றால், ஏன் உங்களுக்கு கலக்கம் வந்துவிடுகிறது. வரும் 2026ம் ஆண்டு தேர்தலில், திருப்பத்தை ஏற்படுத்தும் முயற்சியை நாம் எல்லோரும் மேற்கொள்ள வேண்டும். இவ்வாறு நிர்மலா சீதாராமன் பேசினார்.

0 comments
0 FacebookTwitterPinterestEmail
சர்வதேசச் செய்திகள்புலம்பெயர் தமிழர்கள்முதன்மை செய்திகள்

நடுகல் வழிபாடு 2025 சுவிஸ்

by Amizhthu
written by Amizhthu

நடுகல் வழிபாடு 2025 சுவிஸ்

0 comments
0 FacebookTwitterPinterestEmail
சர்வதேசச் செய்திகள்புலம்பெயர் தமிழர்கள்முதன்மை செய்திகள்

புலம்பெயர் தேசங்களில் நடைபெறும் மாவீரர் நாள் 2025 நிகழ்வின் விபரங்கள்

by Amizhthu
written by Amizhthu

புலம்பெயர் தேசங்களில் நடைபெறும் மாவீரர் நாள் 2025 நிகழ்வின் விபரங்கள்

0 comments
0 FacebookTwitterPinterestEmail
அமெரிக்காசர்வதேசச் செய்திகள்முதன்மை செய்திகள்

புளோரிடாவின் டம்பாவில் ஒரு கட்டிடத்திற்கு வெளியே ஒரு கார் கூட்டத்தின் மீது மோதியதில் நான்கு பேர் இறந்தனர், குறைந்தது 13 பேர் காயமடைந்தனர்

by Amizhthu
written by Amizhthu

இந்த கொடிய விபத்துக்குப் பிறகு டம்பா போலீசார் 22 வயதான சிலாஸ் சாம்ப்சனை பல குற்றச்சாட்டுகளில் கைது செய்தனர்

புளோரிடா நெடுஞ்சாலை ரோந்துப் படையினர் இணைவதற்கு முன்பு இரண்டு வாகனங்கள் பந்தயத்தில் ஈடுபட்டதை அதிகாரிகள் கண்டறிந்தனர் மற்றும் PIT சூழ்ச்சியை முயற்சித்தனர்

வாகனம் பரபரப்பான 7வது அவென்யூவில் வேகமாகச் சென்று, கட்டுப்பாட்டை இழந்து விபத்துக்குள்ளானது

ஒரு வணிக நிறுவனத்திற்கு வெளியே ஒரு டஜனுக்கும் அதிகமானோர் மோதியதில் மூன்று பாதசாரிகள் சம்பவ இடத்திலேயே இறந்தனர், நான்காவது ஒருவர் மருத்துவமனையில் இறந்தார்

மேலும் 13 பேர் காயமடைந்தனர், உயிருக்கு ஆபத்தானது முதல் சிறியது வரை பல்வேறு நிலைமைகள் இருந்தன என்று அதிகாரிகள் தெரிவித்தனர்

சில பாதிக்கப்பட்டவர்கள் தாங்களாகவே மருத்துவமனைக்குச் சென்றிருக்கலாம், மொத்த எண்ணிக்கை 17 ஆக உயர்ந்துள்ளது.

0 comments
0 FacebookTwitterPinterestEmail
இந்தியாமுதன்மை செய்திகள்

“நீதியின் வெளிச்சம் இந்திய நாட்டின் கடைக்கோடி மனிதரையும் சென்றடைய வேண்டும்” என இந்திய சுப்ரீம் கோர்ட் தலைமை நீதிபதி கவாய் வலியுறுத்தினார்.

by Amizhthu
written by Amizhthu

சுப்ரீம் கோர்ட்டில், சட்ட உதவி வழங்கும் வழிமுறைகளை வலுப்படுத்துதல் குறித்த தேசிய மாநாட்டை பிரதமர் மோடி தொடங்கி வைத்தார். இந்த மாநாட்டில் சுப்ரீம் கோர்ட் தலைமை நீதிபதி கவாய் பேசியதாவது: நீதி என்பது ஒரு சிலரின் சலுகை அல்ல, மாறாக ஒவ்வொரு குடிமகனின் உரிமை.

நீதிபதிகள், வழக்கறிஞர்கள் மற்றும் நீதிமன்ற அதிகாரிகள் என்ற வகையில் நமது பங்கு, சமூகத்தின் ஓரங்களில் நிற்கும் கடைசி நபரைக் கூட நீதியின் வெளிச்சம் சென்றடைவதை உறுதி செய்வதாகும்.

அனைவருக்கும் சட்ட உதவி மற்றும் நீதி கிடைப்பதற்கான நோக்கத்தை முன்னெடுப்பதில், நீதித்துறையின் முக்கிய பொறுப்பை பிரதமரின் வருகை பிரதிபலிக்கிறது. பொருளாதாரம், ஜாதி, பாலினம், மொழி அல்லது சூழ்நிலைகளைப் பொருட்படுத்தாமல் ஒவ்வொரு நபரும் நீதித்துறை தனக்குச் சொந்தமானது என்று உணர வேண்டும். இவ்வாறு தலைமை நீதிபதி கவாய் பேசினார்.

0 comments
0 FacebookTwitterPinterestEmail
Scienceகட்டுரைகள்சர்வதேசச் செய்திகள்முதன்மை செய்திகள்

சைலசின் (Xylazine): அமெரிக்காவின் ‘ஜாம்பி மருந்து’ நெருக்கடி — மனித சமூகத்தை அழிக்கும் கால்நடை மயக்க மருந்தின் விரிவான ஆய்வு

by Amizhthu
written by Amizhthu

அமெரிக்காவில் நிலவி வரும் ஓபியாய்டு (Opioid) நெருக்கடி தற்போது ஒரு புதிய, பயங்கரமான பரிமாணத்தை எட்டியுள்ளது. சட்டவிரோத போதைப்பொருட்களில் — குறிப்பாக ஃபெண்டானிலில் (Fentanyl) — சைலசின் (Xylazine) எனப்படும் சக்திவாய்ந்த, ஓபியாய்டு அல்லாத மயக்க மருந்து கலக்கப்பட்டதால், கடுமையான பொது சுகாதார நெருக்கடி உருவாகியுள்ளது.

இந்த மருந்து தெருக்களில் “ட்ரான்க் (Tranq)” அல்லது “ட்ரான்க் டோப் (Tranq Dope)” என அழைக்கப்படுகிறது. இது ஆழ்ந்த மயக்க நிலையிலுள்ள, “ஜாம்பி” போன்ற தோற்றத்துடன், கடுமையான திசு அழிவுகளைச் சந்திக்கும் நபர்களை உருவாக்கி, “ஜாம்பி மருந்து” என்ற அதிர்ச்சியூட்டும் பெயரைப் பெற்றுள்ளது.

இந்தக் கட்டுரை, சைலசின் மருந்தின் உண்மையான மருத்துவ நோக்கம், அதன் தீவிர தவறான மனிதப் பயன்பாடு, உடல் மற்றும் நரம்பியல் விளைவுகள், மற்றும் அமெரிக்க அரசாங்கம் மேற்கொண்டு வரும் கட்டுப்பாட்டு நடவடிக்கைகள் குறித்து விரிவான ஆய்வை வழங்குகிறது.

❶. சைலசின்: மருத்துவ நோக்கமும் ஆபத்தான தவறான பயன்பாடும்

கால்நடை மருத்துவத்தில் சைலசினின் உண்மையான பயன்பாடு

சைலசின் என்பது ஒரு சக்திவாய்ந்த α₂-அட்ரெனெர்ஜிக் அகோனிஸ்ட் (α₂-adrenergic agonist) ஆகும். இது மயக்கம் மற்றும் வலி நிவாரணம் ஏற்படுத்தும் வேதி சேர்மம். இது மனிதர்களுக்கான பயன்பாட்டிற்கு அமெரிக்க உணவு மற்றும் மருந்து நிர்வாகத்தால் (FDA) அங்கீகரிக்கப்படவில்லை.

• பணி: சைலசின் முதன்மையாக குதிரைகள், மாடுகள் போன்ற பெரிய விலங்குகளுக்கு மயக்க மருந்தாகவும், வலி நிவாரணி மற்றும் தசை தளர்த்தியாகவும் பயன்படுத்தப்படுகிறது. இது அறுவை சிகிச்சைகள் அல்லது வேதனையான நடைமுறைகளை எளிதாக்க உதவுகிறது.

• அளவு (Dosage): கால்நடை மருத்துவத்தில் பயன்படுத்தப்படும் அளவு மிகவும் சக்திவாய்ந்தது; எனவே மனிதர்களுக்கான பயன்பாடு மிகவும் ஆபத்தானதும் உயிருக்கு பேரிடராகவும் அமைகிறது.

மனிதர்களால் நிகழும் தவறான பயன்பாடு

சட்டவிரோத போதைப்பொருள் சந்தையில், சைலசின் தனியாகப் பயன்படுத்தப்படுவதில்லை. இது பெரும்பாலும் மற்ற மருந்துகளில் கலப்படப் பொருளாக (Adulterant) பயன்படுகிறது.

• ஆபத்தான கலவை (Tranq Dope): சைலசின் பெரும்பாலும் ஃபெண்டானிலுடன் (Fentanyl) கலக்கப்படுகிறது. இந்த கலவை “ட்ரான்க் டோப்” என அழைக்கப்படுகிறது. சில சமயங்களில் இது ஹெராயின் மற்றும் கோகோயின் கலவைகளிலும் காணப்படுகிறது.

• கடத்தல்காரர்களின் நோக்கம்: சைலசின் மலிவானது, மேலும் கட்டுப்பாட்டுப் பொருளாக வகைப்படுத்தப்படவில்லை. இது ஓபியாய்டு மருந்துகளின் மகிழ்ச்சியூட்டும் விளைவுகளை நீட்டிக்கிறது என்று நம்பப்படுகிறது. இதனால் கடத்தல்காரர்கள் மருந்தின் அளவை அதிகரித்து இலாபத்தை உயர்த்தி, நீண்ட நேரம் போதை தேடும் பயனர்களை ஈர்க்கின்றனர்.

• அறியாமலான பயன்பாடு: பெரும்பாலான பயனர்கள் தாங்கள் எடுத்துக் கொள்ளும் போதைப்பொருளில் சைலசின் கலந்திருப்பதை அறியாது இருப்பார்கள். இது ஊசி மூலம், மூக்கு வழியாக, விழுங்குதல் அல்லது சுவாசித்தல் வழியாக உட்கொள்ளப்படுகிறது.

❷. மனித உடலில் ஏற்படும் தீவிர விளைவுகள்

சைலசின் மனித உடலில் மிகவும் ஆபத்தான, தனித்துவமான எதிர்விளைவுகளை ஏற்படுத்துகிறது. இதனால் ஏற்படும் அதிகப்படியான டோஸ் (Overdose) நிலைமைகள், வழக்கமான ஓபியாய்டு மருந்துகளைவிட அதிகமாகவும் சிக்கலாகவும் இருக்கின்றன.

1. மத்திய நரம்பு மண்டலத்தின் (CNS) ஆழ்ந்த பாதிப்பும் மயக்கமும்

சைலசின் ஒரு CNS அழுத்தியாக (Depressant) செயல்படுவதால், பயனர்களை ஆழ்ந்த, கிட்டத்தட்ட இயக்கமற்ற நிலையில் ஆழ்த்துகிறது.

• ‘ஜாம்பி போன்ற’ நிலை: பயனர்கள் பல மணி நேரம் (8 மணி நேரம் வரை) முழுமையாக மயக்க நிலையில், பதிலளிக்க முடியாதபடி இருக்கலாம். இந்த நீண்டநேர அசையாமை, பயனர்களை தாக்குதல்களுக்கு, அழுத்தம் புண்களுக்கு (Pressure ulcers) மற்றும் இரத்த ஓட்டத் துண்டிப்பால் ஏற்படும் திசு நசிவுக்கு (Crush injuries) உள்ளாக்குகிறது. இதுவே இதனை “ஜாம்பி மருந்து” என மக்கள் குறிப்பிடக் காரணமாகிறது.

• சுவாச மற்றும் இருதயச் செயலிழப்பு:

• சுவாசக் குறைவு (Respiratory Depression): மூச்சு மந்தமாகவோ நிற்கவோ செய்யும். ஃபெண்டானிலுடன் கலக்கும்போது இது மேலும் மோசமடைகிறது.

• இதயத் துடிப்பு குறைவு (Bradycardia) மற்றும் இரத்த அழுத்தக் குறைவு (Hypotension): இதயத்தின் துடிப்பு அபாயகரமாகக் குறைந்து, இரத்த அழுத்தம் மிகக் குறைகிறது.

2. திசு அழிவு மற்றும் உறுப்பு நீக்கம் (Amputation)

சைலசினின் மிகவும் அச்சுறுத்தும் விளைவு தோல் அழுகல் (Skin Rot) மற்றும் திசு இறப்பு (Necrosis) ஆகும்.

• புண் உருவாக்கம்: தொடர்ந்து பயன்படுத்துபவர்களில் கடுமையான அல்சர்கள் (Ulcers), கட்டிகள் (Abscesses) மற்றும் மென்மையான திசு காயங்கள் (Soft Tissue Injuries) உருவாகின்றன.

• இடம் மற்றும் தீவிரம்: இந்த புண்கள் ஊசி போடப்பட்ட இடத்தில் மட்டுமல்லாமல், உடலின் எந்தப் பகுதிக்கும், கைகள், கால்கள் போன்றவற்றிலும் தோன்றலாம்.

• திசு இறப்பு: சிகிச்சையளிக்கப்படாவிட்டால், இந்த புண்கள் செல்லுலிடிஸ் (Cellulitis), ஆஸ்டியோமைலிடிஸ் (Osteomyelitis) மற்றும் செப்சிஸ் (Sepsis) போன்ற தீவிர தொற்றுகளுக்கு வழிவகுக்கும். பலரின் உயிரைக் காப்பாற்ற உறுப்பு நீக்கம் (Amputation) அவசியமாகிறது.

3. நாலோக்சோனின் (Naloxone) பயனின்மை மற்றும் போதை நீக்கம்

சைலசினின் இருப்பு அதிகப்படியான டோஸ் சிகிச்சையை கடுமையாக சிக்கலாக்குகிறது.

• நாலோக்சோன் தோல்வி: சைலசின் ஓபியாய்டு அல்லாததால், அதன் விளைவுகளை நாலோக்சோன் (Narcan) மாற்ற முடியாது. இருப்பினும், இது ஃபெண்டானிலுடன் கலந்திருப்பதால், ஓபியாய்டு கூறை நீக்க நாலோக்சோன் அளிக்கப்பட வேண்டும். அதோடு, மீட்பு சுவாசம் (Rescue Breaths) மற்றும் ஆதரவுச் சிகிச்சை மிகவும் அவசியமானவை.

• கடுமையான போதை நீக்கம் (Withdrawal): நீண்டகால பயனர்கள் வலுவான உடல் சார்பு (Dependence) நிலையை அடைகிறார்கள். போதை நீக்க அறிகுறிகள் ஹெராயின் விட கூட கடுமையானவை — கடும் பதட்டம், அமைதியின்மை, கிளர்ச்சி மற்றும் உயர் இரத்த அழுத்தம் ஆகியவை அதில் அடங்கும்.

❸. தற்போதைய நெருக்கடியும் அரசாங்கத்தின் பதிலும்

சைலசின் கலந்த ஃபெண்டானில் தற்போது அமெரிக்காவின் 50 மாநிலங்களில் 48 மாநிலங்களில் கண்டறியப்பட்டுள்ளது என்று DEA (போதைப்பொருள் அமலாக்க நிர்வாகம்) தெரிவித்துள்ளது. இது நெருக்கடி நாட்டின் முழுவதும் பரவிவிட்டதை காட்டுகிறது.

மனித இழப்பு

இந்த நிலைமை ஒரு மரணச் சுழற்சியில் சிக்கிய சமுதாயத்தை பிரதிபலிக்கிறது. போதைப்பொருள் உச்சம் தேடும் பயனர்கள், தங்களின் உடலை அசையாமல் ஆக்கும் மயக்க மருந்தை அறியாமலே எடுத்துக் கொள்கின்றனர்.
அவர்களின் வாழ்க்கை “போதையின் மகிழ்ச்சியில்” இருந்து மாறி, அழுகும் புண்களை பராமரிப்பதிலும், நீண்டநேர மயக்கத்திலிருந்து உயிர் பிழைப்பதிலும் மையமாகிறது.
இந்த துயரம் அவசர மருத்துவப் பிரிவுகள், புண் சிகிச்சை நிலையங்கள், மற்றும் பொது சுகாதார வளங்கள் மீது மிகப்பெரிய அழுத்தத்தை ஏற்படுத்துகிறது.

அச்சுறுத்தலைக் கட்டுப்படுத்த அமெரிக்க அரசாங்கத்தின் நடவடிக்கைகள்

அமெரிக்காவின் பைடன்–ஹாரிஸ் நிர்வாகம், சைலசின் நெருக்கடியை எதிர்கொள்வதற்காக ஒரு “முழு அரசாங்க அணுகுமுறை” (Whole-of-Government Approach) மேற்கொண்டுள்ளது.

1. வளர்ந்து வரும் அச்சுறுத்தல் மற்றும் தேசிய பதில் திட்டம்

• வளர்ந்து வரும் அச்சுறுத்தல்:2023 ஏப்ரல் மாதம், வெள்ளை மாளிகையின் தேசிய போதைப்பொருள் கட்டுப்பாட்டுக் கொள்கை அலுவலகம் (ONDCP) சைலசின் கலந்த ஃபெண்டானிலை “வளர்ந்து வரும் அச்சுறுத்தல்” என அறிவித்தது.

• தேசிய பதில் திட்டம்:2023 ஜூலை மாதம் வெளியிடப்பட்ட இந்தத் திட்டம், மூன்று ஆண்டுகளில் 15% அளவிற்கு அதிகப்படியான டோஸ் மரணங்களை குறைப்பதை இலக்காகக் கொண்டது.

2. விநியோகக் கட்டுப்பாடும் சட்ட அமலாக்கமும்

• இறக்குமதி எச்சரிக்கைகள்:FDA சட்டவிரோத சைலசின் கொண்ட மருந்துகளுக்கு இறக்குமதி தடைகள் விதித்துள்ளது.

• DEA எச்சரிக்கைகள் மற்றும் கைப்பற்றல்கள்:DEA பல்வேறு மாநிலங்களில் சைலசின் கலவைகளை கைப்பற்றி பொதுமக்களுக்கு எச்சரிக்கை விடுத்துள்ளது.

• சட்ட நடவடிக்கை:Combating Illicit Xylazine Act எனப்படும் சட்ட முயற்சி மூலம், சைலசினை கட்டுப்படுத்தப்பட்ட பொருளாக வகைப்படுத்தி, அதன் சட்டவிரோத விநியோகத்திற்காக குற்றவியல் தண்டனைகள் விதிக்க முயற்சிக்கப்படுகிறது.

3. பொது சுகாதாரமும் தீங்கு குறைப்பும்

• சோதனை மற்றும் தரவு மேம்பாடு: சைலசின் பரவலை கண்காணிக்க அரசாங்கம் சோதனை திறனை அதிகரித்தும், தரவு சேகரிப்பை மேம்படுத்தியும் வருகிறது.

• சைலசின் சோதனைப்பட்டைகள் (Test Strips):HHS (சுகாதார மற்றும் மனித சேவைகள் துறை), பயனர்கள் தங்கள் மருந்துகளில் சைலசின் உள்ளதா என்பதை அறிய சோதனைப்பட்டைகளை வாங்க மத்திய நிதியை பயன்படுத்த அனுமதித்துள்ளது.

• தீங்கு குறைப்பு பயிற்சி: முதல் மீட்பாளர்களுக்கு (First Responders) நாலோக்சோன் அளிப்பதுடன், மீட்பு சுவாசம் மற்றும் மீட்பு நிலை (Recovery Position) மிகவும் அவசியம் என்பதை வலியுறுத்தும் பயிற்சிகள் அளிக்கப்படுகின்றன.

• புண் சிகிச்சை முன்முயற்சிகள்: சைலசின் புண்களுக்கு சிறப்பு மருத்துவ சிகிச்சைகள் வழங்கும் நிலையங்கள் உருவாக்கப்பட்டுள்ளன. தீங்கு குறைப்பு அமைப்புகள் மூலம் புண் பராமரிப்பு கருவிகள் விநியோகிக்கப்படுகின்றன; மேலும், மருத்துவர்களுக்கு திசு அழிவுகளை சிகிச்சையளிக்கும் பயிற்சி வழங்கப்படுகிறது.

முடிவுரை

சைலசின் நெருக்கடி, அமெரிக்காவின் ஓபியாய்டு நெருக்கடியின் ஒரு புதிய, பயங்கரமான பரிணாமமாக மாறியுள்ளது.
விலங்குகளுக்காக உருவாக்கப்பட்ட இந்த மருந்து இன்று மனிதர்களின் வாழ்வையும் சமூகங்களையும் சிதைத்து வருகிறது.
இதனை எதிர்கொள்வதற்கு சட்ட நடவடிக்கைகளும் மருத்துவச் சேவைகளும் மட்டுமன்றி, அறிவியல் விழிப்புணர்வும் சமூக கருணையும் தேவைப்படுகிறது.
சைலசின் நெருக்கடி, நவீன உலகம் போதைப்பொருளால் அழிக்கப்படுகின்றது என்ற கடுமையான உண்மையை மனிதகுலத்திற்கு நினைவூட்டுகிறது.

எழுதியவர்
ஈழத்து நிலவன்
09/11/2025

0 comments
0 FacebookTwitterPinterestEmail
NEWSScienceஅமெரிக்காசர்வதேசச் செய்திகள்முதன்மை செய்திகள்

Xylazine: The American ‘Zombie Drug’ Crisis — A Detailed Analysis of the Veterinary Tranquilizer Ravaging Human Society

by Amizhthu
written by Amizhthu

The opioid epidemic in the United States has taken a new and horrifying turn with the widespread adulteration of illicit drugs—especially fentanyl—with Xylazine. This potent, non-opioid sedative, known on the street as “Tranq” or “Tranq Dope”, has triggered a severe public health crisis. Victims often appear in a deeply sedated, “zombie-like” state, with grotesque, life-threatening wounds, earning the chilling nickname “The Zombie Drug.”

This article provides a detailed analysis of Xylazine’s intended veterinary use, its deadly misuse in human society, its profound physiological effects, and the multifaceted efforts by the U.S. government to contain this escalating threat.

❶. Xylazine: Medical Purpose and Dangerous Misuse

Intended Use in Veterinary Medicine

Xylazine is a powerful α₂-adrenergic agonist, a type of chemical compound that induces sedation and pain relief. It is not approved by the U.S. Food and Drug Administration (FDA) for human use.

• Function: Primarily used in veterinary medicine as a sedative, analgesic (pain reliever), and muscle relaxant for large animals such as horses, cattle, and deer. It helps facilitate surgeries and painful procedures.

• Dosage: Veterinary doses are highly potent, making any human use extremely dangerous and potentially fatal.

The Mechanism of Human Misuse

In the illicit drug trade, Xylazine is rarely sought alone but is widely used as an adulterant (or cutting agent) in other narcotics.

• The Deadly Mix (Tranq Dope): It is most commonly combined with fentanyl, forming the notorious “tranq dope.” It is also found in mixtures with heroin and cocaine.

• Why Dealers Use It: Xylazine is cheap and unregulated. It is believed to prolong the euphoric high of opioids like fentanyl, allowing traffickers to increase profits and user dependency.

• Unintentional Use: Most users are unaware their drugs contain Xylazine. It can be taken via injection (most common), snorting, swallowing, or inhalation.

❷. Serious and Profound Effects on the Human Body

Xylazine produces a unique and devastating array of effects in humans, making overdoses more complex and severe than opioid-only cases.

1. Profound Central Nervous System (CNS) Depression and Sedation

As a CNS depressant, Xylazine induces a deep, almost catatonic state.

• “Zombie-like” State: Users may remain immobile and unresponsive for several hours (up to 8 hours). This prolonged unconsciousness exposes them to assault, pressure ulcers, and crush injuries due to restricted blood flow. This extreme psychomotor retardation is the basis for the term “Zombie Drug.”

• Respiratory and Cardiovascular Collapse:

• Respiratory Depression: Slowed or stopped breathing, worsened synergistically when mixed with fentanyl.

• Bradycardia and Hypotension: Critically slow heart rate and dangerously low blood pressure.

2. Necrotic Skin Wounds and Amputation

One of the most horrifying effects of Xylazine is the formation of severe necrotic (rotting) wounds.

• Wound Formation: Chronic use causes painful, hard-to-treat ulcers, abscesses, and soft tissue injuries.

• Location and Severity: Wounds can develop not only at injection sites but also anywhere on the body, including the arms, legs, and torso.

• Tissue Death: Rapidly progressing necrosis leads to infections such as cellulitis, osteomyelitis (bone infection), and sepsis. In severe cases, amputation becomes necessary to save the user’s life.

3. Ineffectiveness of Naloxone and Withdrawal Complications

Xylazine’s presence complicates overdose treatment.

• Naloxone Failure: As a non-opioid, Xylazine’s effects cannot be reversed by Naloxone (Narcan). Since it is usually mixed with fentanyl, Naloxone must still be given to reverse the opioid component—but rescue breaths and supportive care are essential to manage Xylazine-induced respiratory depression.

• Severe Withdrawal: Long-term users develop physical dependence. Withdrawal can be as severe as, or worse than, heroin withdrawal—characterized by intense anxiety, restlessness, agitation, and hypertension.

❸. The Current Crisis and Government Response

The pervasive presence of Xylazine in the U.S. illicit drug supply has amplified the overdose epidemic. The DEA reports that fentanyl–Xylazine mixtures have been seized in 48 out of 50 states, highlighting the nationwide scale of the crisis.

The Human Cost

This crisis represents a society caught in a deadly spiral of addiction and despair. Users, often seeking euphoria, unknowingly consume a paralyzing sedative that renders them immobile and helpless.

The focus shifts from chasing a “high” to managing rotting wounds, surviving repeated overdoses, and enduring long hours of unconsciousness in unsafe conditions.
This tragedy places enormous pressure on emergency medical systems, wound care facilities, and public health infrastructure.

U.S. Government Efforts to Contain the Threat

In response, the Biden–Harris Administration has adopted a “whole-of-government” strategy to address the Xylazine crisis.

1. Emerging Threat Designation and National Response Plan

• Emerging Threat: In April 2023, the White House Office of National Drug Control Policy (ONDCP) officially designated Xylazine-adulterated fentanyl as an “Emerging Threat” to the United States.

• National Response Plan: Released in July 2023, it aims to reduce overdose deaths by 15% within three years.

2. Supply Reduction and Law Enforcement

• Import Alerts: The FDA has issued import alerts against illegal Xylazine-containing drugs.

• DEA Alerts and Seizures: The Drug Enforcement Administration (DEA) has launched public safety alerts and conducted widespread seizures of Xylazine mixtures, which have rapidly spread beyond their initial Northeastern epicenter.

• Legislative Action: The Combating Illicit Xylazine Act seeks to classify Xylazine as a controlled substance and impose criminal penalties for its unlawful distribution.

3. Public Health and Harm Reduction

• Enhanced Testing and Data Collection: Efforts are underway to improve testing, data accuracy, and surveillance systems to monitor the spread of Xylazine.

• Xylazine Test Strips: The Department of Health and Human Services (HHS) now allows federal grant funds for purchasing Xylazine test strips—an essential harm reduction tool for users to verify drug content.

• Harm Reduction Training: Public health programs now train first responders that while Naloxone should still be administered for suspected overdoses, rescue breaths and recovery positioning are critical to prevent suffocation.

• Wound Care Initiatives: Specialized wound care programs and medical kits are being distributed through harm reduction organizations, alongside medical training for clinicians to treat Xylazine-induced necrosis.

Conclusion

The Xylazine crisis underscores a dark evolution in America’s opioid epidemic—a transition from addiction to chemical paralysis and self-destruction.

This deadly compound, meant for animals, is now ravaging human lives, communities, and medical systems.

The battle against Xylazine requires not only law enforcement and medical intervention but also public education, compassion, and scientific vigilance to prevent further loss of life and dignity in a society already drowning in drugs.

Written by
Eelaththu Nilavan
09/11/2025

0 comments
0 FacebookTwitterPinterestEmail
தமிழகம்முதன்மை செய்திகள்

பாலாறில் கலக்கும் ஆந்திர தொழிற்சாலை கழிவுநீரால், வேலுாரில் 50 கிராமங்களில் நிலத்தடி நீர் பாதிக்கப்பட்டு

by Amizhthu
written by Amizhthu

ஆந்திர மாநிலம், சித்துார் மாவட்டம், கணக்கநேரியில் தனியார் மாம்பழ கூழ் தொழிற்சாலை உள்ளது.

இந்த தொழிற்சாலையில் இருந்து வெளியேறும் கழிவுநீர், வேலுார் மாவட்டம், கண்டிப்பேடு அடுத்த உள்ளிப்புதுார் ஏரியில் கலந்து, பொன்னையாறு வழியாக பாலாற்றில் கலக்கிறது.

தற்போது மழை காரணமாக ஆந்திர ஏரிகளில் பாயும் நீர், தமிழக ஏரி, கால்வாய்க்கு வருகிறது. ஏரி நீர் மிகவும் மாசடைந்துஉள்ளதால், விவசாய பயிர்கள் மற்றும் கால்நடைகள் கடும் பாதிப்புக்கு உள்ளாகியுள்ளன.

மாம்பழ கூழ் தொழிற்சாலையின் கழிவுநீரால், உள்ளிப்புதுார் உட்பட, 50 கிராமங்களில் நிலத்தடி நீர்மட்டம் பாதிக்கப்பட்டுள்ளது.

இந்த நீரை பயன்படுத்தும் போது ஏராளமான நோய் பரவுகிறது. தோல் அரிப்பு ஏற்படுகிறது. ஏரிகளில் மீன்களும் செத்து மிதக்கின்றன.

மாவட்ட மாசு கட்டுப்பாட்டு வாரிய அதிகாரிகள் ஆய்வு செய்து, உடனடியாக நடவடிக்கை எடுக்க தமிழக விவசாயிகள் சங்கத்தினர், வேலுார் கலெக்டரிடம் நேற்று மனு அளித்தனர்.

விவசாயிகள் கூறியதாவது:

கேரளாவில் இருந்து கோழிக்கழிவுகளை தென்காசி, கோவை உள்ளிட்ட இடங்களில் கொட்டும் போது மக்களின் எதிர்ப்பால், அதை கேரள அரசு திரும்ப பெற்று கொள்கிறது. ஆனால், ஆந்திர அரசு தொடர்ந்து தனியார் நிறுவன கழிவுநீர், பாலாறில் கலப்பதை கண்டு கொள்வதில்லை.

இதனால் நிலத்தடி நீர்மட்டம் பாதிக்கப்பட்டு, விவசாயம் கடுமையான சரிவை சந்தித்துள்ளது. மாசு கட்டுப்பாட்டு வாரிய அதிகாரிகள் ஆய்வு செய்கின்றனர். ஆனால், அதன் முடிவை அறிவிப்பதில் மெத்தன போக்கை கடைப்பிடிக்கின்றனர். – இவ்வாறு அவர்கள் கூறினர்.

0 comments
0 FacebookTwitterPinterestEmail
Newer Posts
Older Posts
Close