Chennai – சென்னை

சட்டசபை தேர்தலுக்கு ஒவ்வொரு தொகுதி யிலும், அ.தி.மு.க.,வினரும், தி.மு.க.,வினரும் பூத் வாரியாக வாக்காளர்களை கணக்கெடுத்து வைத்துள்ளனர். ஒருவருக்கு, 100 வாக்காளர்களை கண்காணிக்கும் பொறுப்பு கொடுக்கப்பட்டுள்ளது.

தேர்தல் நெருங்கும் நிலையில், வாக்காளர்களுக்கு ஒரு ஓட்டுக்கு, 2,000 ரூபாய் வரை கொடுக்க திட்டமிட்டுள்ளனர். இதற்காக இப்போதே, 500 ரூபாய் நோட்டுகளை லட்சக்கணக்கில் வேட்பாளர்கள் பதுக்கி வைத்துள்ளதால், மக்களிடத்தில் அதிக புழக்கமில்லை.

மதுரை உள்ளிட்ட நகரங்களில், சில வங்கி ஏ.டி.எம்.,களில், 500 ரூபாய் நோட்டுகள் இருநாட்களாக வரவு வைக்கப்படவில்லை. வெறும், 200, 100 ரூபாய் மட்டுமே கிடைக்கிறது. இதனால் குறைந்த மதிப்பில் மட்டுமே, ரூபாய் நோட்டுக்களை எடுக்க முடிகிறது.

வங்கி அதிகாரி ஒருவர் கூறுகையில், ‘தேர்தல் அறிவித்த பின், 500 ரூபாய் நோட்டுகளின் புழக்கம் குறைந்துள்ளது உண்மை தான்’ என்றார். முக்கிய கட்சி நிர்வாகி ஒருவர் கூறியதாவது: தேர்தல் சமயத்தில் வாக்காளர்களை, ‘கவனிப்பது’ அவசியம். ஓட்டுக்கு பணம் கொடுக்கும்போது, குறிப்பிட்ட மதிப்பில், 200 ரூபாய், 100 ரூபாய் நோட்டுகளை கொடுப்பதும், கையாள்வதும் சிரமம்.

இதை தவிர்க்கவே, 500 ரூபாய் நோட்டுகளை பயன்படுத்துகிறோம். 2016க்கு முன், 1,000 ரூபாய் நோட்டு இருந்தது. அது ரொம்ப வசதியாக இருந்தது. இவ்வாறு அவர் கூறினார்.

திருவள்ளூர் அருகே கல்லுாரி கட்ட ஒரு குடும்பம் தானமாக வழங்கிய நிலத்தை, டான் போஸ்கோ சலேசியன்ஸ் அமைப்பு, தனி நபர்களுக்கு 14 கோடி ரூபாய்க்கு விற்பனை செய்துள்ளதாக, கத்தோலிக்க சிறுபான்மை நலச்சங்கம் குற்றம் சாட்டியுள்ளது.

திருவள்ளூர் மாவட்டத்தை சேர்ந்த பாதிரியார் ஜூலியட் மற்றும் ஆல்பர்ட் குடும்பத்தினர், பன்னுார் அருகே, 10 கோடி ரூபாய் மதிப்பிலான, 8 ஏக்கர் 51 சென்ட் நிலத்தை, டான்போஸ்கோ சலேசியன்ஸ் அமைப்புக்கு, 2013 ஜூலை 24ல் தானமாக கொடுத்தனர்.

ஏழை, எளிய மாணவர்களின் படிப்புக்காக, இன்ஜி., கல்லுாரி அமைக்க வேண்டும் என்ற நிபந்தனையுடன் நிலம் தானம் தரப்பட்டது. அதே ஆண்டு, ஆக., 13ல், வெளிநாடுகளில் உள்ள குடும்பத்தினர் தமிழகம் வந்து, குறிப்பிட்ட இடத்தில் கல்லுாரி கட்டிடம் கட்டுவதற்கான அடிக்கல் நாட்டு விழாவில் பங்கேற்றனர்.

நிலம் தானமாக பெறப்பட்ட நிலத்துக்கான, நிபந்தனைகள் தொடர்பான ஆவணங்கள், 2013 ஆக., 20ல் கையெழுத்தாகின. ஆனால், அந்த நிபந்தனைகள், அந்த குடும்பத்தினருக்கு தெரியாமல் நீக்கப்பட்டதாக கூறப்படுகிறது.

நிலத்துக்கான பவர் ஆப் அட்டர்னியை, அதேநாளில், தனிநபர் ஒருவருக்கு வழங்கியதாகவும் கூறப் படுகிறது. இந்த குறிப்பிட்ட நபர், நிலத்தை பகுதி, பகுதியாக பிரித்து, 14 கோடி ரூபாய் வரை விற்றதாக கூறப்படுகிறது. இந்த விபரம் அறித்து, தானம் கொடுத்தவர்கள் அதிர்ச்சி அடைந்துள்ளனர்.

இதுகுறித்து, கத்தோலிக்க சிறுபான்மை நலச்சங்கத்தின் தலைவர் எஸ்.ஜெசுராஜ், நிர்வாக தலைவர் பெர்னாண்டோ, செயலர் ஜோசப் ஆகியோர் கூட்டாக வெளியிட்ட அறிக்கை:

கத்தோலிக்க சிறுபான்மை நலச்சங்கம், தமிழகத்தில் உள்ள கத்தோலிக்க சிறுபான்மை மக்களின், உரிமைகள் மற்றும் நலன்களை பாதுகாக்கிறது.

கடந்த 2013ல், திருவள்ளூர் மாவட்டம், பண்ணுாரில் உள்ள ஒரு குடும்பம், இன்ஜி., கல்லுாரி அமைப்பதற்காக, டான் போஸ்கோ சலேசியன்ஸ் அமைப்பிற்கு தானமாக வழங்கிய நிலத்தை, தனிநபருக்கு விற்றுள்ளனர். இதற்கு, டான்போஸ்கோ சலேசியன்ஸ் தலைமை பதில் அளிக்க வேண்டும்.

இந்த விவகாரம் தொடர்பாக, சென்னை – மயிலாப்பூர் பேராயர், இந்தியாவுக்கான அமைப்பின் துாதர் ஆகியோருக்கு புகார் அனுப்பியுள்ளது. இதற்கு, அவர்கள் ஏழு நாட்களுக்குள் பதிலளிக்க வேண்டும்.

தானம் வழங்கியவரின் நிபந்தனையை நீக்கீயது யார்; நிலத்தை விற்றது யார் என்பது குறித்து, இத்தாலி நாட்டின் தலைநகரான ரோமில் உள்ள சலேசியன் சபை தலைமை பேராயர் உரிய விசாரணை நடத்த வேண்டும்.

பாதிக்கப்பட்டவர்களுக்கு, தற்போது 60 முதல் 90 வயது வரை ஆகிறது. அவர்களுக்கு நீதி கிடைக்கும் வரை, கத்தோலிக்க சிறுபான்மை நலச்சங்கம், அனைத்து வழிகளிலும் நடவடிக்கை மேற்கொள்ளும். இவ்வாறு அதில் கூறப்பட்டுள்ளது.

தமிழக சட்டசபை தேர்தலில், த.வெ.க., தனித்து போட்டியிட உள்ளது. அக்கட்சி சார்பில் போட்டியிட விருப்ப மனு அளித்த நிர்வாகிகளில், தேர்வு செய்யப்பட்ட 115 பேருடன், இரண்டு கட்டமாக விஜய் ஆலோசனை நடத்தினார். அவர்கள் முதற்கட்ட வேட்பாளர்கள் என்று கூறப்படுகிறது. அவர்களை வேட்பு மனு தயாரிக்க கட்சி தலைமை உத்தரவிட்டுள்ளது.

வேட்பு மனுவில் இணைக்கப்படும் ஆவணங்களை சரி பார்ப்பதற்காக, பனையூர் த.வெ.க., தலைமை அலுவலகத்துக்கு, இன்று 115 பேரும் வருமாறு அழைப்பு விடுக்கப்பட்டுள்ளது.

தலைமை அலுவலகத்தில் சட்ட வல்லுனர்கள் குழுவிடம், வேட்பு மனு குறித்து 115 பேரும் தனித்தனியாக ஆலோசனை நடத்த உள்ளனர்.

த.வெ.க., முதல்முறையாக தேர்தலில் போட்டியிட உள்ளதால், வேட்பாளர்கள் வேட்பு மனுவை தவறாக பதிவு செய்து, அது நிராகரிக்கப்படக்கூடாது என்பதாலேயே இப்படியொரு ஏற்பாட்டை கட்சி தலைமை செய்துள்ளது.

X இல் அவரது அறிக்கை

மார்க்கத்தின் வழியாக மனிதத்தை வாழ்விக்க மகத்தான நன்னெறியினை மொழிந்த இறைதூதர் நபிகள் நாயகம் அவர்கள், “இறைவன் உங்கள் உருவங்களையோ, உங்கள் செல்வங்களையோ பார்ப்பதில்லை; உங்கள் உள்ளங்களையும், செயல்களையுமே பார்க்கிறான்” என்கிறார்.

மேலும், தம்முடைய அருள்மொழியில், “தன் பக்கத்தில் இருக்கும் அண்டை வீட்டார் பசித்திருக்க, தான் மட்டும் வயிறார உண்பவர் ஓர் இறைநம்பிக்கையாளராய் இருக்க முடியாது; இப்பூவுலகில் நீங்கள் தரும் ஈகைதான் உண்மையான செல்வம். பூமியில் உள்ள உயிர்களிடம் நீங்கள் கருணை கொண்டால், விண்ணில் உள்ள இறைவன் உங்களிடம் கருணை கொள்வார்” என்றும் கூறுகிறார். “தனது நாவாலும், கைகளாலும் சக மனிதர்களுக்குத் தீமை விளைவிக்காதவரே மனிதர்களில் சிறந்தவர்!” என்றும் தம்முடைய இறுதிப் பேருரையில் குறிப்பிடுகிறார்.

போற்றுதலுக்குரிய நபி பெருமானார் காட்டிய அத்தகைய அன்புவழி நின்று, அறநெறி பற்றி, ஐந்து முதன்மைக் கடமைகளில் ஒன்றாக, புனித ரமலான் மாதத்தில் இறைவனை எண்ணி உணவும், நீரும் துறந்து, உடலையும், உள்ளத்தையும் பண்படுத்தி, 30 நாட்கள் நோற்ற நோன்பு முழுமைபெறும் திருநாளாம், ‘இரம்ஜான் பெருநாளை’ பெருமகிழ்வோடு கொண்டாடும் எனதன்பு இசுலாமியச் சொந்தங்கள் அனைவரது உள்ளங்களிலும், இல்லங்களிலும், எல்லாம் வல்ல ஏக இறைவன் அல்லாவின் பேரருள் நிறையட்டும்; உங்களின் உளப்பூர்வமான நோன்பினையும், வழிபாட்டையும், வணக்கத்தையும் நற்கொடையையும், நற்செயல்களையும் இறைவன் ஏற்றுக்கொள்ளட்டும். இப்புனித நாள் உங்கள் இதயத்தில் அமைதியையும், வாழ்வில் மகிழ்ச்சியையும், குடும்பத்தில் அன்பையும் கொண்டுவரட்டும்.

இல்லாதவருக்கு ஈயும் இன்பத்திருநாளான, ஈகைப்பெருநாளைக் கொண்டாடும் இசுலாமியச் சொந்தங்கள் அனைவருக்கும் என்னுடைய அன்பும், வாழ்த்துகளும்!

செந்தமிழன் சீமான்
தலைமை ஒருங்கிணைப்பாளர்
நாம் தமிழர் கட்சி

இன்று (மார்ச் 18) சென்னையில், 22 காரட் தங்க நகைகளின் விலை ஒரு சவரனுக்கு ரூ.640 குறைந்து, ரூ.1,16,560-க்கு விற்பனையாகிறது. ஒரு கிராமுக்கான விலை ரூ.80 குறைந்து, ரூ.14,570-க்கு விற்பனையாகிறது.

சர்வதேச முதலீட்டாளர்கள், தங்கத்தில் முதலீடு செய்வதை குறைத்துள்ளனர். இதனால், நம் நாட்டில் அதன் விலை குறைந்து வருகிறது. தமிழகத்தில் கடந்த சனிக்கிழமை, 22 காரட் ஆபரண தங்கம் கிராம், 14,760 ரூபாய்க்கும், சவரன், 1,18,080 ரூபாய்க்கும் விற்பனையானது. வெள்ளி கிராம், 280 ரூபாய்க்கு விற்கப்பட்டது.

நேற்று முன்தினம் (மார்ச் 16), தங்கம் விலை கிராமுக்கு, 50 ரூபாய் குறைந்து, 14,710 ரூபாய்க்கு விற்கப்பட்டது. சவரனுக்கு, 400 ரூபாய் சரிவடைந்து, 1,17,680 ரூபாய்க்கு விற்பனையானது. வெள்ளி கிராமுக்கு நான்கு ரூபாய் குறைந்து, 276 ரூபாய்க்கு விற்கப்பட்டது. கிலோவுக்கு, 4,000 ரூபாய் சரிவடைந்து, 2.76 லட்சம் ரூபாய்க்கு விற்பனையானது.

நேற்றைய நிலவரம்

நேற்று (மார்ச் 17) தங்கம் விலை கிராமுக்கு, 60 ரூபாய் குறைந்து, 14,650 ரூபாய்க்கு விற்பனையானது. சவரனுக்கு, 480 ரூபாய் சரிவடைந்து, 1,17,200 ரூபாய்க்கு விற்கப்பட்டது.

அதேசமயம், வெள்ளி கிராமுக்கு, நான்கு ரூபாய் உயர்ந்து, 280 ரூபாய்க்கு விற்பனையானது. கிலோவுக்கு, 4,000 ரூபாய் அதிகரித்து, 2.80 லட்சம் ரூபாய்க்கு விற்கப்பட்டது.

இன்றைய நிலவரம்

இந்நிலையில் இன்று (மார்ச் 18) 22 காரட் ஆபரண தங்கத்தின் விலை சவரனுக்கு 640 ரூபாய் சரிந்து ஒரு சவரன் ஒரு லட்சத்து 16 ஆயிரத்து 560 ரூபாய்க்கு விற்பனை ஆகிறது. கிராமுக்கு 80 ரூபாய் குறைந்து, ஒரு கிராம் 14,570 ரூபாய்க்கு விற்பனை செய்யப்படுகிறது. கடந்த 3 நாட்களில் தங்கம் விலை சவரனுக்கு 1,520 ரூபாய் குறைந்துள்ளது.

வெள்ளியும் சரிவு

வெள்ளி விலையும் இன்று சரிந்துள்ளது. வெள்ளி விலை கிராமுக்கு 5 ரூபாய் குறைந்து ஒரு கிராம் 275 ரூபாய்க்கும், கிலோவுக்கு 5 ஆயிரம் ரூபாய் சரிந்து ஒரு கிலோ 2 லட்சத்து 75 ஆயிரம் ரூபாய்க்கும் விற்பனை செய்யப்படுகிறது.

தமிழகத்தில் 6,600 கி.மீ., தேசிய நெடுஞ்சாலைகள், அண்டை மாநிலங்களுடன் இணைக்கப்பட்டு உள்ளன. இவற்றின் வழியாக, தினமும் ஆயிரக்கணக்கான சரக்கு வாகனங்கள், அரசு மற்றும் ஆம்னி பஸ்கள், பயணியர் வாகனங்கள் உள்ளிட்டவை பயணித்து வருகின்றன. இச்சாலைகளை பயன்படுத்தும் வாகனங்களிடம் கட்டணம் வசூலிக்க, 77 இடங்களில் சுங்கச்சாவடிகள் அமைக்கப்பட்டுள்ளன. இவற்றின் வாயிலாக, 2024 – 25ம் ஆண்டு, 4,300 கோடி ரூபாய் சுங்க கட்டணம் வசூல் செய்யப்பட்டது.

நடப்பாண்டு, 4,100 கோடி ரூபாய்க்கு மேல் வசூல் செய்யப்பட்டு உள்ளது. இதில் அதிகபட்சமாக, கிருஷ்ணகிரி மாவட்டத்தில், தொப்பூர் சுங்கச்சாவடியில், 275 கோடி ரூபாய் வசூல் செய்யப்பட்டு உள்ளது.

சுங்கச்சாவடிகளில் ஒவ்வொரு ஆண்டும், 5 சதவீதம் கட்டணத்தை உயர்த்திக்கொள்ள, தேசிய நெடுஞ்சாலை ஆணையம் அனுமதி வழங்கியுள்ளது. அதன்படி, ஏப்., 1ம் தேதி முதல், தமிழகத்தில் உள்ள 60 சுங்கச்சாவடிகளில் கட்டணம் உயர்த்தப்பட உள்ளது. இந்த சுங்கச்சாவடிகள் பட்டியலை, தேசிய நெடுஞ்சாலை ஆணையம் வெளியிட்டுள்ளது. இந்த சுங்கச்சாவடிகளில் குறைந்தபட்சம் 10 ரூபாய் முதல் 25 ரூபாய் வரை உயர்த்தப்பட உள்ளது.

கட்டணம் உயரும் சுங்கச்சாவடிகள் விபரம்: