தமிழீழப் பிரகடன வீர வரலாற்றின் ஐம்பதாம் ஆண்டு எழுச்சி நிகழ்வு இன்று (10.05.2026) உணர்வுபூர்வமாகவும் எழுச்சியுடனும் நடைபெற்றது. தமிழீழ தேசிய உணர்வை எடுத்துரைக்கும் வகையில் பல்வேறு கலை, இலக்கிய மற்றும் வரலாற்று நிகழ்வுகள் இடம்பெற்றன.

நிகழ்வு பொதுச்சுடர் ஏற்றலுடன் ஆரம்பமானது. முன்னாள் போராளி கவிக்குயில் அவர்கள் பொதுச்சுடரை ஏற்றி நிகழ்வைத் தொடங்கிவைத்தார். தொடர்ந்து தமிழர் ஒருங்கிணைப்பு குழு வடமேற்கு பிராந்திய பொறுப்பாளர் திரு வசந்தன் அவர்கள் தமிழீழ தேசியக் கொடியை ஏற்றி வைத்தார். அதனைத் தொடர்ந்து அக வணக்கம் செலுத்தப்பட்டது.

தமிழில் நடைபெற்ற சிற்றுரையில் திரு ரமேஷ் இந்திரா ராஜா அவர்கள் “வட்டுக்கோட்டை தீர்மானத்தின் தொடர்ச்சியும் வளர்ச்சியும்” என்ற தலைப்பில் உரையாற்றினார். பின்னர் அனுஷ்யா முரளிதரன் ஆசிரியரின் குழுவினரால் வயலின் இசை நிகழ்ச்சி வழங்கப்பட்டது.

ஆங்கில உரையை செந்தூரன் அவர்கள் நிகழ்த்தியதுடன், “போராட்ட வரலாற்றில் சில துளிகள்” என்ற தலைப்பில் சிறுவர்கள் நால்வர் இணைந்து ஆங்கிலத்தில் உரையாற்றினர்.

நடன ஆசிரியர் திருமதி ரூபி குமார் அவர்களின் மாணவி செல்வி பூமிசா சிவகரனின் நடன நிகழ்ச்சியை தொடர்ந்து பிரித்தானிய தமிழ் இளையோர் அமைப்பின் சார்பில் கார்த்திகா ரமேஷ் அவர்கள் உரையாற்றினார்.

தமிழீழ விடுதலைப் புலிகளின் பொன்னகவை நினைவாக அனைத்து உலக தொடர்பகத்தினால் வெளியிடப்பட்ட “பொன்னகவை” இசைப் பேழை நிகழ்வில் வெளியிடப்பட்டது. அதனைத் தொடர்ந்து, அந்த இசைப் பேழையில் இடம்பெற்ற பாடலுக்கு நடன ஆசிரியர் திருமதி ஷாமினி கண்ணன் அவர்களின் மாணவிகள் நடன நிகழ்ச்சியை வழங்கினர். இப்பாடலை திரு இ. தாஸ் அவர்கள் எழுதியிருந்தார்.

தமிழீழ விடுதலைப் புலிகளின் 50 ஆண்டுகால வரலாற்றுத் தடங்களை எடுத்துரைக்கும் கவி உரையும் நிகழ்வில் இடம்பெற்றது. மேலும், விடுதலைப் புலிகளின் மூத்த போராளி திரு அஜித் அவர்கள் சிறப்புரையாற்றினார்.

நடன ஆசிரியர் திருமதி சுகிர்தா ஆனந் அவர்களின் மாணவிகள் நடன நிகழ்ச்சிகளை வழங்கினர். தொடர்ந்து பறை இசை நிகழ்ச்சி இடம்பெற்றது.

இறுதியாக “நம்புங்கள் தமிழீழம் நாளை பிறக்கும்” பாடல் ஒலிவடிவில் ஒலிபரப்பப்பட்டதுடன், தமிழீழ தேசியக் கொடி கையேந்தப்பட்டு உறுதியுரை நிகழ்த்தப்பட்டது.

எழுச்சியுடனும் தேசிய உணர்வுடனும் நடைபெற்ற இந்நிகழ்வு நிறைவுற்றது.

15.02.2026 அன்று லண்டனில் வடமேற்க்கு பிராந்திய பகுதியில் தமிழர் ஒருங்கிணைப்புகுழுவினால் முன்னெடுக்கப்பட்டது.

ஈகைப் பேரொளி அப்துல் ரவூப் ,ஈகைப் பேரொளி முத்துக்குமார், ஈகைப்பேரொளி, ஈகைப் பேரொளி, ஈகைப்பேரொளி ஷ்டீபன், ஈகைப் பேரொளி செகதீசன், ஈகைப் பேரொளி இரவிராஜா, ஈகைப் பேரொளி இரவிச்சந்திரன், ஈகைப் பேரொளி அமரேசன், ஈகைப் பேரொளி முருகதாசன், ஈகைப்பேரொளி சோதி (எ) தமிழ்வேந்தன், ஈகைப் பேரொளி சிவபிரகாசம், ஈகைப் பேரொளி கோகுல இரத்தினம், ஈகைப் பேரொளி சீனிவாசன், ஈகைப் பேரொளி சதாசிவம் சிறீதர், ஈகைப் பேரொளி ஆனந்த், , ஈகைப் பேரொளி இராஜசேகர், ஈகைப் பேரொளி பாலசுந்தரம், ஈகைப் பேரொளி மாரிமுத்து, ஈகைப் பேரொளி சிவானந்தன், ஈகைப்பேரொளி சுப்பிரமணியன், , ஈகைப் பேரொளி கிருஷ்ணமூர்த்தி, , ஈகைப் பேரொளி தழல் ஈகிசெங்கொடி, ஈகைப் பேரொளி விஜயராஜ், , ஈகைப் பேரொளி விக்ரம், ஈகைப் பேரொளி மணி, ஈகைப்பேரொளி செந்தில்குமரன் ஆகியோரின் நினைவு சுமந்து நிகழ்வு முன்னெடுக்கப்பட்டது.

அகவை 27 உடைய முருகதாசன் சுவிட்சர்லாந்தில் ஐக்கிய நாடுகள் அவையின் முன்றலின் முன்பாக 2009, பெப்ரவரி 12 வியாழக்கிழமை இரவு 8:15 தொடக்கம் 9:45 நிமிடம் வரையான நேரத்துக்குள் இன அழிப்பில்இருந்து ஈழத்தமிழ் மக்களைக் காப்பாற்றக்கோரி தீக்குளித்து இறந்தார். இச்சம்பவம் இடம்பெற்று இன்றுடன் 17 வருடங்கள் ஆகின்றன.

இவர், 7 பக்கங்களுக்கு “உலக சமூகத்துக்கு தமிழினத்தின் சார்பில் என் ஆத்மார்த்த வேண்டுகோள்” என்றதலைப்பில் ஒரு மரண சாசனம் எழுதி வைத்து விட்டு தீக்குளித்தார் இலங்கையின் உள்நாட்டுப் போரைஎல்லோரினதும் கவனத்திற்கு கொண்டு வருவதற்கு சுவிட்சர்லாந்தின் ஜெனீவா நகரில் உள்ள ஐக்கிய நாடுகள்சபையின் முன்றலில் 2009, பெப்ரவரி 12 தீக்குளித்து மரணமடைந்தார்.

இந்நிகழ்வு பொதுச்சுடர் ஏற்றலுடன் ஆரம்பமானது. மாவீரர் வீரவேங்கை விந்தனின் சகோதரர் திரு. மகேந்திரா அவர்கள் பொதுச்சுடரை ஏற்றி நிகழ்வைத் தொடங்கிவைத்தார். தொடர்ந்து பிரித்தானிய தமிழர் ஒருங்கிணைப்பு குழுவின் வடமேற்கு செயற்பாட்டாளர் திரு. செல்வன் அவர்கள் தமிழீழ தேசியக்கொடியை ஏற்றினார்.

ஈகைச்சுடரை அனைத்துலக மகளிர் அணி பொறுப்பாளர் திருமதி மணியரசன் ஆரபி அவர்கள் ஏற்றிவைத்தார். அகவணக்கத்தினை தொடர்ந்து திருஉருவப்படத்திற்கு ஈகைப்பெரோளி முருகதாஷ் அவர்களின் பெற்றோர் திரு/திருமதி வர்ணகுலணசிங்கம் அவர்கள் மலர்மாலை அணிவித்து அஞ்சலி செலுத்தினர்.

மலர்வணக்கம் மற்றும் சுடர்வணக்கம் தொடர்ந்து கலை மற்றும் உரை நிகழ்வுகள் இடம்பெற்றன. “ஈகியர் மாவீரம்” என்ற கவிதையை பிரித்தானிய தமிழர் ஒருங்கிணைப்பு குழுவின் மகளிர் செயற்பாட்டாளர் திருமதி மாதுமை லோகேஸ்வரன் அவர்கள் வழங்கினார்.

“நீதி மறுக்கப்பட்ட நெருப்பு” என்ற தலைப்பில் செல்வி கார்த்திகா ரமேஸ் உரையாற்றினார். செல்வி அஷ்மியா சுதாகரன் அவர்களின் நடன நிகழ்ச்சி மயூரம் கலைக்கூடத்தின் நெறியாழ்கையில் அரங்கேற்றப்பட்டது.

தொடர்ந்து Bristol முத்தமிழ் கல்வியகத்தைச் சேர்ந்த செல்வன் கவின் மச்சகாந்தன் அவர்கள் “ஈகைப் பேரொளி” என்ற தலைப்பில் உரையாற்றினார்.

ஆசிரியை சாமினி கண்ணன் அவர்களின் மாணவிகள் நடன நிகழ்ச்சி வழங்கினர். “ஈகையரின் மகிமை” என்ற தலைப்பில் செல்வி வர்சா ஜெயகாந்தன் உரையாற்றினார்.

மேலும் அக்‌ஷயா விமலதாசன், அபிதிகா தவகுமார், ஆரபி சுதாகரன், இனியா துசிதரன் மற்றும் ரியா மன்மதராசா ஆகியோரின் நடன நிகழ்ச்சியும் நடைபெற்றது.

நிகழ்வின் நிறைவு பகுதியில் “வெந்தணல் வேங்கையர்கள்” என்ற தலைப்பில் திரு. மகேந்திரா அவர்கள் உரையாற்றினார்.

தொடர்ந்து “நம்புங்கள் தமிழீழம் நாளை பிறக்கும்” என்ற பாடல் ஒலி வடிவில் ஒலிக்கப்பட்டு உறுதிமொழியுடன் நிகழ்வு நிறைவடைந்தது.

தன்னாட்சிக்கான உரிமைக்குரல்!

ஈழத்தமிழர்களின் நீதிக்கான குரல்!!
ஈழத்தமிழர்களின் விடுதலையின் குரல்!!!
அனைத்துலக ஈழத் தமிழ் மக்களின் தன்னாட்சிக்கான
உரிமைப் போராட்டக் களத்தில் எழுச்சி கொண்டெழுவது
எங்களின் கடமையும் உரிமையுமாகும்.

தொடர்புகளுக்கு

தமிழர் ஒருங்கிணைப்புக் குழு – பிரித்தானியா
Tamil Co-ordinating Committee UK

தொலைபேசி : 020 3371 9313
மின்னஞ்சல் : tccukinfo@gmail.com

நமது தேசியத் தலைவர் மற்றும் தளபதிகள் மட்டுமன்றி, தமிழீழ மக்கள் அனைவராலும் அன்புடன் “பாலா அண்ணா” என அழைக்கப்பட்டவரும், சர்வதேச அரசியல் அரங்கில் சிறந்த ராஜதந்திரியாகவும், அரசியல் சாணக்கியராகவும், எமது தேசியத் தலைவரின் அரசியல் ஆலோசகராகவும் விளங்கிய தேசத்தின் குரல் அன்ரன் பாலசிங்கம் அவர்களின் 19ஆம் ஆண்டு நினைவு வணக்க நிகழ்வு, பிரித்தானிய தமிழர் ஒருங்கிணைப்பு குழுவினரால் லண்டன் சட்டன் பகுதியில் முன்னெடுக்கப்பட்டது.

இந்த நிகழ்வில், அனைத்துலக மகளிர் பொறுப்பாளர் ஆரபி அவர்கள் ஈகைச்சுடரை ஏற்றி வைத்தார். அதனைத் தொடர்ந்து, தேசத்தின் குரல் அன்ரன் பாலசிங்கம் அவர்களின் திருவுருவப் படத்திற்கு மலர் வணக்கம் செலுத்தப்பட்டு, நினைவு வணக்க நிகழ்வுகள் உணர்வுபூர்வமாகவும் இடம்பெற்றன.

பிரித்தானிய தமிழர் ஒருங்கிணைப்பு குழு

தமிழீழத் தேசிய மாவீரர் நாள் 2025நிகழ்வுகளின் தொகுப்பு

பிரித்தானிய தமிழீழ மாவீரர் நாள் 2025ம் ஆண்டின் நிகழ்வுகள் Excel மண்டபத்தில் ஆரம்பமாகியது.

மாவீரர்கள் காலத்தால் சாவதில்லை..
அவர்கள் காலத்தை உருவாக்கியவர்கள்…
ஒரு விடுதலை வீரனின் சாவு ஒரு சாதரண மரணம் அல்ல அந்த சாவு ஒரு சரித்திர நிகழ்வு…
ஒரு உன்னத இலட்ச்சியம் உயிர் பெறும் அற்புதமான நிகழ்வு..
உண்மையில் ஒரு விடுதலை வீரன் சாவதில்லை…
அவன் உயிராக இயங்கி வந்த இலட்சிய நெருப்பு என்றுமே அணைந்து விடுவதில்லை..
இந்த இலட்சிய நெருப்பு ஒரு வரலாற்று சக்தியாக மற்றவர்களை பற்றிகொள்கிறது..

பல்லாயிரக்கணக்கான தமிழர்கள் வணக்கம் செலுத்த ஒன்று கூடியிருக்கிறார்கள்.