இங்கிலாந்து முழுவதும் கடும் பனிப்பொழிவு மற்றும் பனிக்கட்டி காரணமாக விமானப் போக்குவரத்து கடுமையாக பாதிக்கப்பட்டுள்ளது. ஹீத்ரோ, மான்செஸ்டர், பிரிஸ்டல், எடின்பர்க் உள்ளிட்ட முக்கிய விமான நிலையங்களில் 130-க்கும் மேற்பட்ட விமானங்கள் ரத்து செய்யப்பட்டுள்ளன. மேலும் 1,500-க்கும் அதிகமான விமானங்கள் தாமதமாகியுள்ளன.
இரவு முழுவதும் நீடித்த பனிக்கட்டி காரணமாக ரன்வேக்கள் மற்றும் சுற்றுப்புற போக்குவரத்து பாதைகள் வழுக்கலான நிலையில் உள்ளன. விமானங்களை டி-ஐஸ் செய்யும் பணிகள் நடைபெறுவதால் பல விமான நிலையங்கள் குறைந்த திறனில் செயல்படுகின்றன.
பயணிகள் பயணிக்கும் முன் தங்கள் விமான நிறுவனங்களுடன் நிலையை சரிபார்க்கவும், கூடுதல் நேரத்தை ஒதுக்கவும் அதிகாரிகள் அறிவுறுத்தியுள்ளனர். பல பகுதிகளில் பனி மற்றும் பனிக்கட்டிக்கான வானிலை எச்சரிக்கைகள் தொடர்கின்றன.
